Łukašenka — Naskieviču: Jak možna trymać čałavieka ŭ izalatary čatyry hady?

 Alaksandr Łukašenka ŭ najbližejšy čas praviadzie naradu z pravaachoŭnym błokam krainy. Pra heta kiraŭnik dziaržavy zajaviŭ siońnia na rabočaj sustrečy sa staršynioj Śledčaha kamiteta Ivanam Naskievičam, piša BiełTA.

«U najbližejšy čas my z usioj pravaachoŭnaj sistemaj (chutčej za ŭsio, na nastupnym tydni) sustreniemsia i pahavorym pa nadzionnych pytańniach. Pavinien prosta skazać, što apošniaj kroplaj, jakaja prymusiła mianie spłanavać takoje mierapryjemstva, što, naturalna, vyklikała ŭ mianie naściarožanaść, — heta praźmiernaje zaciahvańnie śledčych dziejańniaŭ. I apošni fakt, jaki mnie byŭ dakładzieny (ja daručaŭ razabracca ŭžo Apieratyŭna-analityčnamu centru) pa hałoŭnym inžyniery zavoda kołavych ciahačoŭ. Vy viali śledčyja dziejańni čatyry ź lišnim hady i tak ničoha ŭ sudzie nie dakazali», — adznačyŭ Alaksandr Łukašenka.

«Ja nie razumieju, jak možna zatrymać čałavieka, pasadzić jaho ŭ śledčy izalatar (navat nie ŭ turmu, a ŭ śledčy izalatar — roźnica zrazumiełaja) i trymać jaho ŭ čatyroch ścienach čatyry hady? Trymać hetaha čałavieka i potym za niedakazanaściu adpuścić. Sprava ŭ tym, što heta raspuščanaść pravaachoŭnych orhanaŭ. I, u pryvatnaści, chutčej za ŭsio śledstva. Ja z hienieralnym prakuroram budu raźbiracca, čamu jon tak «nahladaje» za kryminalnymi spravami i za vykanańniem zakona», — padkreśliŭ kiraŭnik dziaržavy.

Łukašenka jašče raz źviarnuŭ uvahu, što mienavita vyniki rasśledavańnia kryminalnaj spravy ŭ dačynieńni da hałoŭnaha inžyniera MZKC padšturchnuli jaho da praviadzieńnia narady z pravaachoŭnaj sistemaj u cełym. «Heta nie sprava. My da ludziej pavinny stavicca pa-čałaviečy», — rasstaviŭ pryjarytety Alaksandr Łukašenka.

Kiraŭnik dziaržavy pacikaviŭsia ŭ Ivana Naskieviča vynikami raboty Śledčaha kamiteta za minuły pieryjad hetaha hoda, a taksama rasśledavańniem najbolš rezanansnych kryminalnych spraŭ. «Kali jość niejkija rečy, na jakija vy pavinny źviarnuć maju ŭvahu, ja hatovy vysłuchać. Ale samaje hałoŭnaje — šerah hramadska značnych kryminalnych spraŭ, jakija vy viadziecie, u tym liku i jakija znachodziacca ŭ mianie na kantroli. Kali hetyja spravy ŭžo prajšli praz sud — vašyja zaŭvahi, pretenzii da sudovaj sistemy. Heta mianie pavinna tyčycca naŭprost, bo prezident adkazvaje i za sudovuju halinu ŭłady», — reziumavaŭ biełaruski kiraŭnik.

Staršynia Śledčaha kamiteta adznačyŭ, što ŭ studzieni-lipieni ŭ krainie byŭ adznačany rost złačynnaści na 8,3% u paraŭnańni z anałahičnym pieryjadam minułaha hoda. «Heta paciahnuła rost kolkaści raspačatych kryminalnych spraŭ», — skazaŭ jon

Hałoŭnaha inžyniera MZKC, jakoha trymali pad śledstvam bolš za čatyry hady, znoŭ apraŭdali — i narešcie vyzvalili

• 0
• 0
• 0
• 0
• 0
• 0
• 0
• 0