Trahiedyja adbyłasia 5 žniŭnia niedaloka ad haradka Linkaln, štat Niebraska.
U Niebrascy 24-hadovy Daniła byŭ u haściach u siamji žonki. Usie razam, siem čałaviek, pajechali pakatacca na aŭtamabili «Chamier». Za rulom byŭ 16-hadovy padletak (u ZŠA vučanickija pravy vydajuć pačynajučy z 15 hadoŭ).
Jechali na hravijcy, šafior niedaśviedčany, nie daŭ rady kiravańniu. U vyniku mašynu zaniesła, jana pierakuliłasia. Nichto ŭ sałonie nie byŭ pryšpileny ramianiami biaśpieki. Usie zastalisia žyvyja, aproč Daniły.
Daniła — plamieńnik palityka i chryścijanskaha viernika Hieorhija Dźmitruka, adnaho z sustaršyń Biełaruskaj chryścijanskaj demakratyi. Baćki Daniły daŭno pierajechali ź Biełarusi ŭ ZŠA, žyvuć u štacie Kałarada. Daniła naradziŭsia ŭžo ŭ Štatach. Jon vučyŭsia ŭ Kałaradskim univiersitecie na inžyniera.
«Daniła byŭ aktyvistam u carkvie, kiraŭnikom muzyčnaj hrupy pry carkvie, — raskazvaje Hieorhij Dźmitruk. — U jaho zastałasia žonka i syn, jakomu adzin hod. Heta ŭ nas pozna ženiacca, a tam rana».
Kamientary