Suprać biełaruskaha kikbaksiora Vitala Krutaleviča, jaki žyvie ŭ Sankt-Pieciarburhu, zaviedzienaja kryminalnaja sprava ab naŭmysnym pryčynieńni škody zdaroŭju, pieradaje ridus.ru.
Spravu suprać spartsmiena raspačali paśla zvarotu dziaŭčyny ź imiem Nastaśsia, jakaja doŭhi čas była ź im u ramantyčnych stasunkach. Pavodle jaje słoŭ, kanflikt uspychnuŭ raptoŭna, kali, jak tolki pračnuŭsia, Vital zapatrabavaŭ ad sužycielki zvaryć jamu sup.
«Ja skazała, što ja tolki pračnułasia i ciapier nie budu hatavać, na što jon adkazaŭ, što mianie prymusić, i adciahnuŭ za vałasy na kuchniu. Adbyłasia ŭspyška ahresii, i pieršym ža udaram jon nanios mnie try pierałomy na tvary. Paśla byli jašče ŭdary, ale ja ŭžo znachodziłasia ŭ šokavym stanie, — raspaviała Anastasija kanału «Mash na Mojkie».
Kanał taksama apublikavaŭ aŭdyjazapis manałohu samoha Krutaleviča ŭ adras dziaŭčyny (u im bahata nienarmatyŭnaj leksiki). Jon zajaŭlaje, što całkam spraviadliva patrabavaŭ sabie hatavać, bo ŭ jaho spartyŭny režym, što Anastasija ździejśniła pamyłku, vystaviŭšy jaho na vulicu, i što joj «daviadziecca tryvać».
Niahledziačy na sproby prymireńnia Vitala i Anastasii, kanflikty z abrazami i rukaprykładstvam u pary praciahnulisia. U vyniku Anastasija źviarnułasia z zajavaj u palicyju.
Uradženiec Mahilova Vital Krutalevič rehularna ŭdzielničaje ŭ biełaruskich spabornictvach pa kikboksinhu i tajskim boksie. Spartsmien — dvuchrazovy pieramožca pieršynstva Biełarusi pa kikboksinhu, vychodziŭ u finały Kubkaŭ śvietu i SND.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary