Alimpijski čempijon Hryšyn vystaviŭ miedali na aŭkcyjon, kab sabrać hrošy na apieracyju
Čempijon Vankuviera-2010 Alaksiej Hryšyn vyrašyŭ pradać svaje alimpijskija miedali, paviedamlaje «Trybuna». Miedali Alaksieja Hryšyna pradajucca na sajcie RR Auction. Na 16.30 18 lipienia za zołata davali 31 tysiaču dalaraŭ, za bronzu — 15,5 tysiačy dalaraŭ.
— Tak, miedali nasamreč vystaŭleny na aŭkcyjon. Pryčyna — adnamu majmu blizkamu čałavieku treba budzie surjoznaja apieracyja i patrebny vielmi vialikija hrošy. Inšaj mahčymaści dapamahčy jamu, akramia jak pradać miedali, u mianie, na žal, ciapier niama. Usie ŭtarhavanyja hrošy pojduć na lačeńnie. Ja nie chacieŭ pijarycca na tym, što dapamahaju jamu. Byŭ by heta pijar, ja b nazvaŭ jaho durnym.
Nie viedaju, u kolki aceniać maje miedali. U kolki b ni acanili — navat kali ŭ tysiaču dalaraŭ, hrošy pojduć na apieracyju čałavieku.
— Ci ciažka rasstavacca z zołatam Alimpijskich hulniaŭ?
— Nie. Dla mianie žyćcio čałavieka važniejšaje za miedali. Miedal — heta ŭsiaho tolki mietał.
— Jak dumajecie, ci jość šaniec što vaša zołata zastaniecca ŭ Biełarusi, što jaho kupić biełarus?
— Nie viedaju. Moža być, — skazaŭ Hryšyn.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski19
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary