Jakucki šaman Alaksandr Habyšaŭ užo 4 miesiacy idzie ŭzdoŭž dalokaŭschodnich tras Rasii ŭ bok Maskvy, adkul ŭ 2021 hodzie maje namier «vyhnać Uładzimira Pucina». Jon ličyć prezydenta Rasii sparadžeńniem ciomnych sił, ź jakim pad siłu spravicca tolki šamanu, piša Radyjo Svaboda sa spasyłkaj na Sibiŕ.Riealii.
Za amal 2 tysiačy kiłamietraŭ šlachu Habyšaŭ pahutaryŭ z sotniami kiroŭcaŭ, videa ź jahonymi pramovami nabrali bolš za miljon prahladaŭ, a ŭ Čycie miascovyja apazycyjanery źbirajucca pravieści dla jaho sustreču-mitynh. Karespandent prajšoŭ z šamanam niekalki kiłamietraŭ i pierakanaŭsia ŭ tym, što rasijskaja hłybinka hatovaja pavieryć u lubuju mistyku — aby dapamahło.
— Ja vychodziŭ ź Jakucka ŭ sakaviku z 3 tysiačami rubloŭ (kala $50) u kišeni. U nas była jašče zima, 40 hradusaŭ. Spaŭ u zimovaj jurcie. Narod adrazu pačaŭ dapamahać, padtrymlivać — tamu i prajšoŭ užo stolki. Spačatku ad hrošaj admaŭlaŭsia, ale ludzi kryŭdzilisia, staŭ brać. Ciapier voś u haścinicach spyniajusia na ich, kali pa darozie traplajucca. Kali narod dapamahaje, značyć, treba iści dalej.
Kamientary