Užo nie pieršy hod u Vierchnim horadzie ŭ Minsku ŭ letnija vychodnyja prachodziać dni kultur samych roznych krainaŭ i narodaŭ. U minułuju subotu ŭ stalicy Biełarusi prajšoŭ dzień Šviecyi, jaki skončyŭsia vystupam pieramožcy Jeŭrabačańnia Łaryn, a ŭ hetuju subotu, 8 červienia, projdzie Dzień šmatnacyjanalnaj Rasii.
Śviatkavańnie budzie adbyvacca ad 12 da 22 hadziny. U jakaści haściej fiestyvala z Rasii pryjeduć «Chor Tureckaha», arkiestr Ihara Butmana, a taksama śpiavačka Łarysa Dolina (taja samaja, jakaja śpiavała pra «pahodu doma»). Taksama možna budzie padzivicca na dahiestanskija i baškirskija tancy.
Da 16 hadziny pa Vierchnim horadzie buduć pracavać interaktyŭnyja zony: «Ruś kazačnaja», «Horad majstroŭ», «Palavaja kuchnia», «Vystava rasijskaha aŭtapramu», «Kultura Rasii», «Rasija turystyčnaja», «Krasa Rasii»
Projdzie konkurs na najlepšy kaścium u kolerach ściahu Rasii.
Buduć pracavać «Ruski», «Pavołžski», i «Paŭnočna-Kaŭkazski» dvoryki. Projduć majstar-kłasy pa hančarstvie, viazańniu, kavalstvu, placieńniu z łazy. U pałatcy «Rady vitać» pačastujuć kvasam i piernikami.
A na vulicy Zybickaj dziaciej płanujuć katać na poni, a darosłych na matacykłach «Načnych vaŭkoŭ». A jašče ŭ dvoryku hatela «Manastyrski» płanujuć pakazać rasijski film. Praŭda, nie kažuć, jaki ž mienavita.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary