Hramadskaja kulturnickaja kampanija «Budźma biełarusami!» abviaščaje konkurs eskizaŭ na nacyjanalna aryjentavanuju tematyku.
Dla kaho? Dla amataraŭ i prafiesijanałaŭ, dla ŭsich, chto nieabyjakavy da ŭłasnaj kultury i choča prajavić siabie!
U čym sens konkursu? My šukajem cikavyja, kreatyŭnyja i sučasnyja idei, nakidy, malunki i eskizy, jakija b vy chacieli bačyć na majkach, torbach, kubkach, natatnikach i inš. My dajom šyroki prastor vašaj fantazii (padziei, asoby z historyi i mifałohii, arnamienty i ŭsio, što, na vašu dumku, źviazanaje ź Biełaruśsiu, u tym liku prosta śmiešnyja vyjavy i nadpisy). Kvietački i mimišnyja malunki taksama prymajucca. Hałoŭnaje — kreatyŭ, bo my šukajem toje, čaho jašče nie było!
Konkurs startuje 23 traŭnia i budzie prachodzić u niekalki etapaŭ.
1 etap
Dasyłajcie zapoŭnienuju zajaŭku ŭdzielnika i malunak abo niekalki ŭ farmacie PNG abo JPEG (maksimalny pamier — 5MB) da 23:59 10 červienia na skrynku [email protected] z paznakaj «Konkurs dyzajnu». Da razhladu prymajecca maksimum piać malunkaŭ.
Zajaŭka musić źmiaščać nastupnyja punkty:
1. Imia, proźvišča,
2. Uzrost,
3. Rod dziejnaści (miesca pracy, vučoby),
4. Nazvy i karotkaje apisańnie dyzajnaŭ (pa žadańni),
5. Telefon, e-mail.
2 etap
Žury robić papiaredni adbor dyzajnaŭ. Na sajcie budzma.by i na staronkach kampanii ŭ sacyjalnych sietkach hetyja dyzajny buduć vystaŭlenyja na hałasavańnie. Dyzajny, jakija nabiaruć najbolšuju kolkaść internet-hałasoŭ, i stanuć pieramožcami. Takim čynam, pieramožcy buduć abranyja praz «narodnaje» hałasavańnie.
3 etap
Supolnaja praca pieramožcaŭ z prafiesijnymi dyzajnierami i pradstaŭnikami kampanii «Budźma biełarusami!» pa adaptacyi malunka pad prynt dla naniasieńnia na vizualnuju pradukcyju.
Što ŭ vyniku
Najlepšyja malunki-pieramožcy buduć realizavanyja ŭ vyhladzie pryntoŭ na cišotkach, torbach, kubkach dy inšaj vizualnaj pradukcyi. Aŭtary-pieramožcy atrymajuć hanarar.
Stvarajma jakasnyja i pryhožyja rečy razam!
Kamientary