Čytačy Tut.by raspaviali, što ŭ adnoj z voinski čaściej, raźmieščanych u Hrodnie, sałdat terminovaj słužby sprabavaŭ skončyć žyćcio samahubstvam, razrezaŭšy sabie vieny. Jon, pa słovach znajomych, skardziŭsia na dziedaŭščynu ŭ čaści. U Ministerstvie abarony vypadak paćviardžajuć, ale kažuć, što ŭsio było inakš i pra dziedaŭščynu havorki niama.
Viadoma, što sałdat adsłužyŭ u armii paŭhoda. Jon skardziŭsia znajomym na dziedaŭščynu ŭ svajoj čaści i na toje, što ź jaho patrabavali hrošy starasłužačyja. Nibyta navat pisaŭ pra hetyja fakty ŭ ankietach, jakija raspaŭsiudžvajucca siarod vajskoŭcaŭ.
Sałdata znajšli ŭ prybiralni, dzie jon pasprabavaŭ razrezać vieny, viečaram 15 maja.
U Ministerstvie abarony vypadak paćvierdzili, adnak raspaviali, što ŭ chłopca na ruce byli tolki drapiny.
— Kamandziram adnaho z pałkoŭ Hrodzienskaha harnizona pryznačanaja pravierka pa hetym fakcie. Dziejańni vajskoŭca, jaki nanios sabie drapiny na pieradplečča, nie pradstaŭlajuć pahrozu dla žyćcia i zdaroŭja. Viadoma, što raniej małady čałaviek nieadnarazova prachodziŭ abśledavańni ŭ śpiecyjalizavanych miedycynskich ustanovach, u tym liku i dla dyjahnostyki rasstrojstva adaptacyi, źmiešanaha rasstrojstva emocyj i pavodzin. Pa zaklučeńni śpiecyjalistaŭ — psichična zdarovy. Kali pravierka vyśvietlić, što ŭčynak vajskoŭca byŭ nakiravany na ŭchileńnie ad vajskovaj słužby, to jon moža być pryciahnuty da kryminalnaj adkaznaści pa artykule «Uchileńnie ad vajskovaj słužby šlacham členaškodnictva ci inšym sposabam», — raspaviali ŭ pres-słužbie Ministerstva abarony.
Zaraz sałdat znachodzicca na abśledavańni ŭ śpiecyjalizavanaj miedustanovie.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy51
Kamientary