Чытачы Tut.by распавялі, што ў адной з воінскі часцей, размешчаных у Гродне, салдат тэрміновай службы спрабаваў скончыць жыццё самагубствам, разрэзаўшы сабе вены. Ён, па словах знаёмых, скардзіўся на дзедаўшчыну ў часці. У Міністэрстве абароны выпадак пацвярджаюць, але кажуць, што ўсё было інакш і пра дзедаўшчыну гаворкі няма.
Вядома, што салдат адслужыў у арміі паўгода. Ён скардзіўся знаёмым на дзедаўшчыну ў сваёй часці і на тое, што з яго патрабавалі грошы стараслужачыя. Нібыта нават пісаў пра гэтыя факты ў анкетах, якія распаўсюджваюцца сярод вайскоўцаў.
Салдата знайшлі ў прыбіральні, дзе ён паспрабаваў разрэзаць вены, вечарам 15 мая.
У Міністэрстве абароны выпадак пацвердзілі, аднак распавялі, што ў хлопца на руцэ былі толькі драпіны.
— Камандзірам аднаго з палкоў Гродзенскага гарнізона прызначаная праверка па гэтым факце. Дзеянні вайскоўца, які нанёс сабе драпіны на перадплечча, не прадстаўляюць пагрозу для жыцця і здароўя. Вядома, што раней малады чалавек неаднаразова праходзіў абследаванні ў спецыялізаваных медыцынскіх установах, у тым ліку і для дыягностыкі расстройства адаптацыі, змешанага расстройства эмоцый і паводзін. Па заключэнні спецыялістаў — псіхічна здаровы. Калі праверка высветліць, што ўчынак вайскоўца быў накіраваны на ўхіленне ад вайсковай службы, то ён можа быць прыцягнуты да крымінальнай адказнасці па артыкуле «Ухіленне ад вайсковай службы шляхам членашкодніцтва ці іншым спосабам», — распавялі ў прэс-службе Міністэрства абароны.
Зараз салдат знаходзіцца на абследаванні ў спецыялізаванай медустанове.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы5
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары