Minadukacyi pra «źliŭ» alimpijadnych zadańniaŭ pa hieahrafii: zvolnieny adzin z raspracoŭščykaŭ
Z nahody situacyi, jakaja ŭźnikła na respublikanskaj alimpijadzie pa hieahrafii, u Minadukacyi patłumačyli karespandentu BiełTA nastupnaje: mieła miesca ŭciečka infarmacyi ad adnaho z raspracoŭščykaŭ alimpijadnych zadańniaŭ. Jon zvolnieny pa artykule.
Proźvišča raspracoŭščyka nie ŭkazvajecca, bo prakuraturaj pravodzicca pravierka.
U ministerstvie dadali, što proźviščy nastaŭnikaŭ, jakija majuć dačynieńnie da pieradačy infarmacyi ŭdzielnikam alimpijady, nie nazyvajucca pa etyčnych pryčynach.
Taksama paviedamlajecca, što ŭžo raspracavany novy miechanizm z bolš vysokaj abaronaj alimpijadnych zadańniaŭ i ŭchileńniem subjektyŭnaha faktaru pry ich padrychtoŭcy.
Pra «źliŭ» alimpijadnych zadańniaŭ, jak piša TUT.BY, paviedamiŭ 11-kłaśnik ź Lidy Ihnat Iljušonak.
Jon šeść hadoŭ udzielničaje ŭ alimpijadach pa hieahrafii i kaža, što nie raz zaŭvažaŭ: niekatoryja viedajuć adkazy na zadańni alimpijady jašče da jaho pačatku. Sioleta, zapeŭnivaje Ihnat, listy z zadańniami na zaklučny, čaćviorty, etap trapili da jaho za niekalki tydniaŭ da alimpijady. «Kali ja ich bačyŭ, to i inšyja taksama mahli ŭbačyć». Pra ŭciečku jon paviedamiŭ u Minadukacyi i partału TUT.BY — chłopiec dasłaŭ zadańni ŭ dzień pačatku alimpijady — raniej, čym ich atrymali ŭdzielniki.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary