Reakcyja deputata-historyka Ihara Marzaluka na vystup Łukašenki ŭ parłamiencie akazałasia vielmi emacyjnaj. Jon raschvalavaŭsia i puściŭ ślazu na słovach pra toje, što biełaruskaja moładź, narodžanaja ŭ časy niezaležnaści, nie daść uklučyć Biełaruś u skład niejkaj dziaržavy.
Hetaja jaho reakcyja stała navat internet-miemam.
Čytajcie taksama. Ščaślivy Marzaluk sa ślaźmi na vačach staŭ hierojem miemaŭ VIASIOŁYJA KARCINKI
«Naša Niva» pacikaviłasia ŭ Marzaluka, što jon adčuvaŭ u toj momant.
«Kali niejkaja svałata, niezaležna ź jakoha pierymietra, pasprabuje niešta ź joj zrabić, z majoj Radzimaj… Mnie ŭsio roŭna, ź jakoha boku budzie sychodzić niebiaśpieka! Kožny pavažajučy siabie čałaviek pavinien viedać, što jość adna kraina, jość adna Biełaruś, adzin prezident, adna dziaržava, simvały, jakija ŭsie, niezaležna ad palityčnych pohladaŭ, pavinny baranić. Siońnia byli skazanyja fundamientalnyja rečy pa-nad palitykaj, heta nacyjanalnyja vartaści, jakija pavinny być ahulnyja. Tak i skazaŭ siońnia Łukašenka: my nikoli nikomu nie addamo svaju krainu, nikomu nie dazvolim jaje razryvać, a kali niechta palezie, to atrymaje. Voś i ŭsio! Heta pravilny padychod! Pravilnaja i sumlennaja pazicyja luboha hramadzianina, luboha biełarusa. I kali ja kažu «biełarus», ja maju na ŭvazie čałavieka, jaki identyfikuje siabie ź biełaruskaj krainaj niezaležna ad taho, kolki ŭ jaho kryvi namiešana i adkul pryjechali prodki. Ty — adzin z nas, jak muryn Janka ŭ «Kałasach pad siarpom tvaim» Uładzimira Karatkieviča», — adkazaŭ Marzaluk.
«Dyk heta supadzieńnie vašych dumak sa słovami Łukašenki puściła vam ślazu?», — udakładniła «Naša Niva».
«Vy viedajecie što… Vy svaje ślozy raźbirajcie! I ŭsio astatniaje. Moža, vam paspaviadacca? Dla mianie, u adroźnieńnie ad tych, chto cynična handluje ryzami Baćkaŭščyny, što na Zachad, što na Uschod… Baćkaŭščyna — heta toje, za što maje prodki zmahalisia i pamirali. Darečy, siarod maich prodkaŭ jość i represavanyja. Heta tak… tym chamam, što mianie palivajuć brudam [za reakcyju na padziei ŭ Kurapatach — Red.]. Ale dla mianie fundamientalnyja kaštoŭnaści važniejšyja — Biełaruś. Moj pradzied nabyvaŭ «Našu Nivu» u drukarni pana Marcina Kuchty! U maim rodzie pomniki ź biełaruskimi nadpisami stavili na mohiłkach u 1920-1930-ja hady! Dla mianie heta fundamientalnaja reč — moj narod, maja dziaržava, maja kraina!», — padsumavaŭ Marzaluk.
Jon taksama patłumačyŭ, čamu zadavaŭ pytańnie Łukašenku pa-rusku: «tamu što jon tak vystupaŭ».
-
«Vybar vialiki, ale kvietki darahija». Kolki kaštujuć napiaredadni 1 vieraśnia bukiety na Kamaroŭcy?
-
Represii zapavolvajucca ci razhaniajucca? Davajcie ličyć
-
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach
Ciapier čytajuć
Represii razhaniajucca ci zapavolvajucca? Davajcie ličyć2
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach88
Kamientary