Taksama abvierhnutyja čutki pra mahčymuju chutkuju denaminacyju i pra toje, što ŭ banki ŭžo zaviezienyja hrošy novaha ŭzoru.
Nacyjanalny bank Biełarusi nie płanuje ažyćciaŭlać čarhovuju rezkuju devalvacyju biełaruskaha rubla,zajavili BiełaPAN va ŭpraŭleńni infarmacyi hałoŭnaha banka krainy.
Takim čynam, u Nacbanku abvierhli čutki ab mahčymym u najbližejšyja dni pavyšeńni kursu dalara ZŠA da 3.100 rubloŭ.
Pavodle słoŭ pres-sakratara Nacbanka Michaiła Žuravoviča, rezkaj źmieny kursu bolš ažyćciaŭlać nie płanujecca.
"Bolš za toje, pa vynikach siońniašnich biržavych tarhoŭ kurs biełaruskaha rubla ŭmacavaŭsia adnosna dalara na 10 rubloŭ i skłaŭ 2.645 rubloŭ", — padkreśliŭ pres-sakratar Nacbanka.
"Novyja hrošy, u tym liku i pamiatnyja maniety, zavoziacca ŭ banki tolki ŭ toj dzień, kali pačynajecca ich aficyjny ŭvod u abaračeńnie. Tak što, kali kaliści i budzie denaminacyja, to pra heta Nacyjanalny bank abjavić aficyjna, ale ŭ najbližejšy čas hetaha nie płanujecca", — zaznačyŭ M.Žuravovič.Jon taksama znoŭ abvierh čutki pra mahčymuju chutkuju denaminacyju i pra toje, što ŭ banki ŭžo nibyta zaviezienyja hrošy novaha ŭzoru.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary