Kandydat u prezidenty Ukrainy Uładzimir Zialenski raspavioŭ namieśniku dziaržaŭnaha sakratara ZŠA pa palityčnych pytańniach Devidu Hiejłu pra cisk i parušeńni ŭ pieradvybarnaj kampanii. Pra heta 7 sakavika paviedamlaje pres-słužba kamandy Zialenskaha ŭ Facebook.
U pryvatnaści, kandydat u čaćvier pravioŭ sustreču z pradstaŭnikom dziaržaŭnaha departamienta. Na sustrečy taksama prysutničała pasoł ZŠA va Ukrainie Mary Javanavič.
«Kandydat u prezidenty raspavioŭ spadaru Hiejłu pra chod pieradvybarnaj kampanii, u jakoj zaraz fiksujucca parušeńni… Zialenski niadaŭna sutyknuŭsia ź ciskam — kala jaho ofisa znajšli aparaturu dla prasłuchoŭvańnia, jakaja naležyć SBU», — havorycca ŭ paviedamleńni.
Taksama jany abmierkavali «važnaść prazrystaści i demakratyčnaści vybaraŭ».
Akramia taho Zialenski raspavioŭ Hiejłu, čym budzie zajmacca, kali jaho abiaruć prezidentam.
«Siarod hałoŭnych zadač: pieramoha nad karupcyjaj, što dasiahajecca, u pryvatnaści, praz maksimalnaje sadziejničańnie antykarupcyjnym orhanam i adkrytaść ułady», — adznačyli ŭ kamandzie Zialenskaha.
Kamientary