Adnaho sa stvaralnikaŭ niervova-paralityčnaha jadu Navičok, rasijskaha chimika Uładzimira Uhleva vyklikali na dopyt, pieradaje Radio Svoboda.
Padstavaj dla jaho vykliku ŭ palicyju stała nibyta rasśledavańnie spravy ab «drobnym kradziažy» ŭ adnym z sanatoryjaŭ Krasnadarskaha kraju.
Pa słovach Uhleva, zvanok z vyklikam na dopyt pastupiŭ jamu ranicaj 7 sakavika. Pry hetym, što mienavita było vykradziena, surazmoŭca nie ŭdakładniŭ.
U svaju čarhu navukoviec admoviŭsia iści ŭ palicyju bieź piśmovaha vykliku na dopyt.
Jak adznačajecca, raniej na vulicach Anapy, dzie pražyvaje Uhleŭ, źjavilisia ŭlotki ź jaho fota, u jakich vučonaha abvinavačvajuć u «piedafilii».
Hetaja i inšyja pravakacyi suprać jaho pačalisia paśla taho, jak chimik paćvierdziŭ, što jad Navičok, z dapamohaj jakoha rasijskija śpiecsłužby sprabavali zabić u brytanskim Sołśbiery svajho byłoha ahienta Siarhieja Skrypala, sapraŭdy raspracoŭvaŭsia ŭ SSSR.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary