Maskva nie adkidała prapanovy Minska ab pierachodzie na ŭzajemaraźliki ŭ rasijskich rublach. Pra heta ŭ aŭtorak zajaviŭ pres-sakratar prezidenta Rasii Dźmitryj Piaskoŭ, piša TASS
«Ja ščyra kažučy, pieršy raz pra heta čuju», - skazaŭ Piaskoŭ, kamientujučy zajavu biełaruskaha lidara Alaksandra Łukašenki pra toje, što Rasija nibyta nie zachacieła vieści handal ź Biełaruśsiu ŭ rublach.
Pa słovach pradstaŭnika Kramla, Maskva, naadvarot, zacikaŭlena ŭ pierachodzie na raźliki na asnovie nacyjanalnych valut u handlova-ekanamičnych adnosinach z partniorami, asabliva z najbližejšymi. Jak padkreśliŭ Piaskoŭ, hetaja tema pastajanna abmiarkoŭvajecca padčas rasijska-biełaruskich pieramovaŭ.
Raniej u aŭtorak Łukašenka raskazaŭ, što prapanoŭvaŭ Rasii davieści ŭzrovień rubla ŭ handlovych raźlikach pamiž krainami da 100 pracentaŭ ź biahučych 80, adnak jaho ideju ŭ Kramli nie acanili. «My hetaha nie baimsia, ale nichto na heta nie idzie», — zajaviŭ jon, adznačyŭšy, što surjoznaha abmierkavańnia ab pierachodzie Maskvy i Minska na adzinuju valutu taksama pakul nie viałosia.
Łukašenka: Supracoŭnictva z Zachadam vyklikaje niejkuju alerhiju i časam isteryku ŭ Rasii. Nam što, pad plintus schavacca?
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary