Bolš za 400 biełarusaŭ padali zajaŭki, kab ahučyć pa-biełarusku «Seks u vialikim horadzie»
Zaviaršyŭsia pryjom rabot na ŭdzieł u konkursie biełaruskaj ahučki sieryjała «Seks u vialikim horadzie» dla Voka. Z 400 zajavak arhanizatary abrali 50 najlepšych. Ciapier tym, chto trapiŭ u šort-list, daviadziecca prademanstravać svaje artykulacyjnyja zdolnaści na afłajn-prasłuchoŭvańni. Premjera ahučanaha z udziełam šaści pieramožcaŭ konkursu epizodu adbudziecca ŭ sakaviku na płatformie Voka.
Svaje videazapisy z ahučanymi pa-biełarusku tekstavymi ŭryŭkami ź sieryjała «Seks u vialikim horadzie» dasłali 417 udzielnikaŭ. 56 mužčyn pretendavali na ahučku mistera Biha i Stenfarda, a pasprabavać svaje siły ŭ jakaści dublora adnoj z hałoŭnych hieraiń sieryjała — Kery, Samanty, Šarłoty i Mirandy — pažadała 361 žančyna. Hieahrafija kankursantaŭ achoplivaje 36 haradoŭ, u tym liku zamiežnych: pa adnoj zajaŭcy arhanizatary atrymali z Varšavy, Kiolna, Paryža i Sankt-Pieciarburha.
Pa kolkaści dasłanych rabot lidziruje Minsk: u konkursie ŭziali ŭdzieł 307 žycharoŭ biełaruskaj stalicy (73% ad ahulnaj kolkaści zajavak). Taksama ŭ lik lidaraŭ uvajšli Brest, Viciebsk, Homiel i Hrodna. 36% zajavak dasłali ŭdzielniki z rehijonaŭ. Bolš za ŭsio konkursnych videa pastupiła ad tych, čyja prafiesijnaja dziejnaść tak ci inačaj źviazanaja z pracaj z hołasam i vałodańnie im: radyjoviadučych, akcioraŭ i muzykaŭ.
Dla ŭdziełu ŭ druhim tury pradstaŭniki Voka sfarmiravali śpis z 50 čałaviek. Takim čynam, u šort-list uvajšoŭ kožny vośmy ŭdzielnik ź liku tych, chto padaŭ zajaŭki. Ciapier im naležyć sustrecca ź siabrami žury ŭ časie prasłuchoŭvańnia, miescam jakoha stanie prafiesijnaja studyja dublažu i ahučki. Zaprašeńnia na kastynh varta čakać z dnia na dzień.
Usie 417 kankursantaŭ atrymajuć ad Voka pramakod na 30-dzionnuju padpisku «Amiedyjateka», jakaja dazvalaje hladzieć «Seks u vialikim horadzie» i inšyja kultavyja sieryjały. Infarmacyja pra heta pryjdzie asabistym paviedamleńniem u Instagram.
Asnoŭnymi kryterami adboru kankursantaŭ u finale buduć vałodańnie akciorskaj rytorykaj, adpaviednaść vobrazu hieroja, artystyzm i čyścinia hołasu. Istotnaj umovaj stanie i najaŭnaść u pretendentaŭ mahčymaści addać niekalki dzion pracy ŭ studyi nad ahučkaj svajho piersanaža.
Pieramožcy druhoha etapu ahučać hierojaŭ piłotnaj sieryi «Seksu ŭ vialikim horadzie» na biełaruskaj movie. Premjerny pakaz pieršaha siezona adbudziecca ŭ sakaviku na płatformie Voka ŭ raździele «CINEVOKA — kino pa-biełarusku».
Hladzicie taksama:
Kamientary