Siońnia ŭ Bieraści prajšła sustreča A.Milinkieviča z demakratyčnym aktyvam vobłaści, u jakoj uziali ŭdzieł kala 60 čałaviek.
Siońnia ŭ Bieraści prajšła sustreča A.Milinkieviča z demakratyčnym aktyvam vobłaści, u jakoj uziali ŭdzieł kala 60 čałaviek.
Heta adna z šerahu zaplanavanych rehijanalnych sustrečaŭ, metaj jakich jość padviadzieńnie vynikaŭ prezydenckaj kampanii, a taksama abmierkavańnie stratehii paślavybarčaj dziejnaści. Razam z A.Milinkievičam Bieraście naviedali žonka lidera demsiłaŭ, kiraŭnička Kamitetu ŭ abaronu represavanych «Salidarnaść» Ina Kulej i staršynia Partyi BNF Vincuk Viačorka.
A.Milinkievič, raspavioŭšy prysutnym pra ciapierašniuju dziejnaść centralnaha štabu, zajaviŭ ab źjaŭleńni ŭ červieni planu budučych dziejańniaŭ, u jakim, siarod astatniaha, – zbor podpisaŭ za admienu kantraktnaj systemy, papularyzacyja i pašyreńnie kampanii «Za svabodu» i ruchu «Salidarnaść».
«Siońnia ŭ krainie inšy nastroj, bo kraina źmianiłasia. [...] My adčuli, što možna adstajać svoj honar. Tamu siońnia supervažna zachavać adzinstva i nie hublać času», – padkreśliŭ Alaksandar Milinkievič.
Vincuk Viačorka adkazaŭ na niekalki aktualnych pytańniaŭ, što datyčać palityčnych planaŭ demsiłaŭ: pra miascovyja vybary, ideju praviadzieńnia novaha kanhresu. Było zakranuta i balučaje pytańnie Płoščy: ci možna było zrabić biełaruski Majdan lepš?
Najbolš cikaviła słuchačoŭ pytańnie pra raźvićcio padziejaŭ u Biełarusi ŭ vyniku padvyšeńnia Rasiejaj koštu na haz i mahčymaha ekanamičnaha kryzisu. «Siońnia jość u najaŭnaści kryzis ułady, prychavany ekanamičny kryzis. Čakać jaho pahłybleńnia amaralna. Adnak abjadnanyja demakratyčnyja siły mohuć prapanavać prahramu dziejańniaŭ, pry dapamozie jakich možna paźbiehnuć kryzisu. A paźbiehnuć jaho možna, tolki vyzvaliŭšy Biełaruś, adkryŭšy jaje śvietu praz svabodnyja, demakratyčnyja vybary», – zajaviŭ V.Viačorka.
Spadarynia Ina Kulej raspaviała ŭdzielnikam schodu pra dziejnaść Kamitetu ŭ abaronu represavanych. Jana paabiacała, što nivodzin čałaviek z tych, chto aktyŭna zmahajecca z režymam Łukašenki i maje praz heta asabistyja prablemy – ci to z vučobaj, ci to z pracaj, ci to sa zdaroŭjem, – nia budzie pakinuty.
Naprykancy ŭdzielniki schodu pryniali rezalucyju, u jakoj, u pryvatnaści, vykazvałasia hatoŭnaść pracavać razam, u asnoŭnym zachoŭvajučy strukturu i kadravy skład štaboŭ – vykanaŭčych kamitetaŭ abjadnanych demakratyčnych siłaŭ. Taksama ŭdzielniki schodu zaklikali ŭsie adkaznyja palityčnyja siły i hramadzkija zhurtavańni krainy zachoŭvać i ŭmacoŭvać adzinstva ŭ miežach abjadnanych demakratyčnych siłaŭ i kampanii «Za Svabodu».
Prysutny
Kamientary