Radyjo «Jeŭropa plus» pašyryć prysutnaść u Biełarusi, ale da Minska pakul nie dabiarecca
Eks-redaktar «Jeŭraradyjo» Vital Zybluk u svaim fejsbuku paviedamiŭ, što, mahčyma, u Biełarusi pačnie viaščańnie radyjo «Jeŭropa plus».
Miž tym, «Jeŭropa plus» jakraz fihuravała ŭ śpisie stancyj, jakija niadaŭna nie atrymali rehistracyi ŭ biełaruskich čynoŭnikaŭ.
Čytajcie. Za «radyjo ad Hierasimieni i Skardzina» stajali rasijskija hrošy. I chacieli jany nie adnu, a adrazu try stancyi
Ci mahło tak atrymacca, što raptam adna z hetych stancyj pralezła? Nasamreč usio nie zusim tak.
U Połacku zarehistravana AAT «Samit» — heta miascovy telekanał, jaki taksama z 2014 hoda maje licenziju na radyjoviaščańnie. Ich stancyja nazyvajecca «Jeŭropa Plus Połack».
U adździele markietynhu «Samita» «Našaj Nivie» paćvierdzili, što, ich kampanija atrymała try novyja chvali: u Oršy (94.2 FM), Brasłavie (88.4 FM) i Ušačach (91.4 FM).
«Jeŭropa plus» achopić hetyja rehijony, a taksama Hłybokaje, Biešankovičy i niekatoryja susiednija rehijony, da jakich buduć dalatać chvali.
Dyrektar stancyi Juryj Piatroŭski, patłumačyŭ «Našaj Nivie», što pašyreńnie zapłanavanaje.
«My pracujem paetapna, pašyracca budziem pa miery mahčymaści — mo dojdziem i da Minska. Tak, my retranślujem niekatoryja prahramy Europa+, ale naša «Jeŭropa plus» — heta nie franšyza, a inšaja, biełaruskaja jurydyčnaja asoba, ruskija tut nie majuć doli. My retranślujem niekatoryja ichnija prahramy, a taksama «RetraFM». Miarkujecca, što našy navinavyja vypuski buduć całkam biełaruskija. Jość i ŭłasnaje šou», — skazaŭ nam Piatroŭski.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie28
Kamientary