Džym Brajdenstajn, kiraŭnik NASA, i viadučyja ŭdzielniki misii Opportunity aficyjna abvieściać pra jaje zaviaršeńnie i stratu marsachoda, jaki nie pieražyŭ letašniuju pyłavuju buru.
Marsachod Opportunity, jaki adpravili na Čyrvonuju płanietu ŭ 2004-m, prasłužyŭ NASA ažno 15 hadoŭ.
U pieršych čysłach červienia minułaha hoda na Marsie pačałasia mahutnaja pyłavaja bura, jakaja achapiła bolšuju častku kratara Indevar, dzie pracuje marsachod Opportunity. Praź niekalki dzion paśla jaje pačatku situacyja nastolki pahoršyłasia, što inžynieram misii pryjšłosia pieravieści marsachod u režym nadzvyčajnaha stanovišča i adklučyć usie jaho instrumienty, za vyklučeńniem hadzińnika.
Bližej da siaredziny červienia, jak pakazali zdymki z marsachoda Curiosity, jaki pracuje faktyčna na supraćlehłym baku płaniety, bura achapiła ŭvieś Mars i aficyjna dasiahnuła płanietarnych maštabaŭ.
U pačatku žniŭnia kolkaść pyłu ŭ atmaśfiery ŭpała ŭ niekalki dziasiatkaŭ razoŭ, što prykmietna palepšyła situacyju. Niahledziačy na toje, što ŭdzielniki misii Opportunity nie čakali surjoznych prablem, marsachod nie pračnuŭsia i nie vychodziŭ na suviaź na praciahu apošnich piaci miesiacaŭ, niahledziačy na bieśpierapynnyja sproby NASA «ažyvić» jaho.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA9
Kamientary