Biełaruś płanuje supracoŭničać ź Zimbabve ŭ śfierach zdabyčy karysnych vykapniaŭ, transpartu i łahistyki, sielskaj haspadarki, budaŭnictva. Pra heta paviedamiŭ siońnia žurnalistam kiraŭnik spraŭ prezidenta Viktar Šejman paśla sustrečy z pradstaŭnikami biełaruskich pradpryjemstvaŭ i arhanizacyj pa pytańniach raźvićcia biznes-supracoŭnictva ź Zimbabve, paviedamlaje BiełTA.
«Letaś my padpisali kantrakty na $58,2 miljona. Pajšli zakazy na MTZ, «Homsielmaš», «Lidahraprammaš», MAZ, idzie vyrab techniki.
Nastupny napramak supracoŭnictva — sielskaja haspadarka. Urad Zimbabve nam vydzialaje 10 tysiač hiektaraŭ ziamli, jakaja nie była ŭ sielhasabarocie. U sakaviku-krasaviku my nakiroŭvajem techniku. Našy śpiecyjalisty vyvučajuć skład hleby, hladziać, jakija nieabchodna ŭnieści ŭhnajeńni, jakaja technika nieabchodnaja. Vyhadavaŭšy rys, pšanicu, soju, my budziem realizoŭvać ich na miascovym rynku.
Taksama ŭ płanach — pasadka sadoŭ: cytrusavyja, avakada, manha budziem pastaŭlać u Biełaruś, Rasiju i na rynak ES. Da kanca hoda raźličvajem zakłaści asnovu, kab vyjści na vytvorčaść miasa, małaka, a ŭ dalejšym i ich pierapracoŭku», — skazaŭ Viktar Šejman.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy8
Kamientary