Znajšlisia haspadary sabaki, jaki płyŭ na kryzie pa Niomanie
Znajšlisia haspadary sabaki, jakoha zdymali z kryhi na Niomanie hrodzienskija ratavalniki ŭ aŭtorak 29 studzienia. Akazvajecca, sabaka žyvie na vulicy Zbožžavaj, niedaloka ad raki, ale jak jon trapiŭ na kryhu, nichto skazać nie moža, piša Hrodna.life.
Mile mienš za hod, žyvie jana ŭ pryvatnym domie la samaj raki. Kali žyvioła źnikła, uładalniki mocna chvalavalisia. Choć Miła i maje volny dostup da vulicy, nikoli nadoŭha nie źnikała.
«Jak naš sabaka apynuŭsia na kryzie, my nie viedajem. U toj samy momant ź im nie byli, — raspaviadaje haspadynia sabaki Viktoryja. —
Miła žyvie ŭ nas u pryvatnym domie i časta hulaje pa terytoryi, i ŭ jaje jość volny dostup da Niomana. Zaŭsiody było ŭsio dobra i daloka Miła nikoli nie sychodziła. Jana kožny dzień sustrakała svajho hałoŭnaha haspadara, i ŭ adzin viečar hetaha nie adbyłosia. Stali chvalavacca».
Paśla pošukaŭ na vulicy, haspadary pajechali ŭ SAH, ale tam svaju Miłu nie znajšli. Na nastupny dzień jany vyrašyli napisać vałancioram u «Addanaje serca».
«Nie prajšło i chviliny, jak ja napisała, i mnie adrazu ž adkazali: «Heta nie vaša pryhažunia zaśviaciłasia ŭ ŚMI?». Tak, heta była naša Miła. Ad jaje možna mnohaje čakać, ale takoje padarožža pa Niomanie my i ŭjavić nie mahli. Jana ŭ nas sapraŭdnaja avanturnica. Byli vielmi rady, što sabaka ŭ ratavalnikaŭ. Tolki paśla taho, jak jaje zabrali, my pačali ŭśviedamlać, što ž na samaj spravie adbyłosia. Jak ja zrazumieła, jana niejkim čynam pierapłyła z adnaho bieraha Niomana na inšy. Dobra, što zastałasia žyvaja, a bo ŭsio mahło skončycca sumna. Vialiki dziakuj ratavalnikam, što adpravilisia za joj».
Ratavalniki raskazali, što ŭžo chacieli pakinuć Miłu sabie, i navat prychodziła adna piensijanierka — hatovaja była zabrać jaje, ale vielmi rady, što znajšlisia haspadary.
«Kali my pryjechali da vyratavalnaj stancyi i padyšli da aharodžy, adrazu ž kryknuli: «Miła, Miła». Jana nas paznała, choć i była napałochana. Radasnaja dziaŭčynka ŭvaliłasia na śpinku, kab jaje hładzili. Heta jana lubić. Ratavalniki raspaviadali, što prychodziła žančyna i chacieła zabrać našaha sabaku, ale jany skazali, što jašče pačakajuć: raptam haspadary abjaviacca. Spadziajemsia, bolš takich padarožžaŭ u nas nie budzie».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym4
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary