Premjer-ministr Polščy pieraścierahaje, što paśla zaviaršeńnia budaŭnictva hazapravoda «Paŭnočny patok − 2» ništo nie spynić Rasieju ad dalejšaj ahresii va Ukrainie. Pra heta Mateuš Maraviecki zajaviŭ padčas kanfierencyi FOTAR u Hamburhu, infarmuje RAR.
«Ja viedaju pazicyju niamieckaha ŭrada, heta — biznes-prajekt. Adnak na ŭschod ad Odry nichto ŭ heta nie vieryć», — zajaviŭ jon.
Pavodle jaho słoŭ, kali paśla budaŭnictva «Paŭnočnaha patoku − 2» akažacca, što ŭkrainskaja HTS nie patrebna, to «što spynić Uładzimira Pucina pajści na Kijeŭ?».
«Vy budziecie ździŭleny tym, kaho ja zaraz pracytuju, ale Lenin adnojčy skazaŭ, što kapitalisty takija prahnyja, što «pradaduć nam viaroŭku, na jakoj my ich paviesim», − skazaŭ Maraviecki.
Jon rastłumačyŭ, što jeŭrapiejcy płaciać rasiejcam za haz, a jany ŭkładuć hetyja hrošy ŭ svajo vojska, i Jeŭropie daviadziecca prasić ab abaronie ZŠA.
Nord Stream 2 AG, kampanija-apieratar hazapravoda «Paŭnočny patok − 2», paviedamiła, što bolš za 200 kiłamietraŭ marskoj častki trubapravoda ŭžo pabudavana.
Z kanca 2019 hazatranspartny kalidor «Paŭnočny patok − 2» pavinien transpartavać kala 55 młrd kubamietraŭ rasijskaha hazu štohod z RF praz Bałtyjskaje mora ŭ Niamieččynu.
Praciŭniki prajekta, u tym liku Polšča, krainy Bałtyi, Ukraina, Małdova, ZŠA i Danija − śćviardžajuć, što «Paŭnočny patok − 2» pavialičyć zaležnaść JEZ ad «Hazprama», jaki ŭžo pastaŭlaje kala traciny abjomaŭ hazu ŭ ES.
Kiraŭnik «Hazprama» Alaksiej Miler upeŭnieny, što prajekt «Paŭnočny patok − 2» budzie realizavany, niahledziačy na namiery ZŠA sarvać budaŭnictva.
Raniej ambasadar ZŠA ŭ ES Hordan Sondlend zajaviŭ, što ŭ prezidenta Donalda Trampa jość «šmat instrumientaŭ», kab spynić hazapravod «Paŭnočny patok −2», jaki robić Jeŭropu jašče bolš zaležnaj ad rasiejskaha hazu.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary