Śpiavačka ŭ apošni dzień padała zajaŭku na biełaruski adbor da «Eŭrabačańnia». A zaśpiavać niečakana vyrašyła na rodnaj movie. Tekst dla novaha chita Dakoty napisaŭ paet Hleb Łabadzienka.
Śpiavačka ŭ apošni dzień padała zajaŭku na biełaruski adbor da «Eŭrabačańnia». A zaśpiavać niečakana vyrašyła na rodnaj movie. Tekst dla novaha chita Dakoty napisaŭ paet Hleb Łabadzienka.
U interviju miesiac tamu jana pakryŭdziłasia na biełaruskich čynoŭnikaŭ ad kultury, jakija admysłova jaje nie padtrymlivajuć. Choć u toj ža Rasiei 18‑hadovaja Dakota napraŭdu papularnaja artystka z mnostvam fan‑klubaŭ u dziesiatkach haradoŭ. Adnak paŭdzielničać u biełaruskim adbory jaje pierakanali pradziusery i rasiejski Pieršy kanał, ź jakim u śpiavački padpisany kantrakt.
Dakota: «Ja pabačyła, što za majoj śpinaj takaja padtrymka, i vyrašyła pasprabavać. Pieśnia ŭžo amal hatovaja. Ja praśpiavaju ad imia ŭsich dziaŭčat i niaviest, jakija nie dačakalisia kachanych z vajny.Muzyku napisała ja, a tekst — paet Hleb Łabadzienka. U jaho słovy ja dadała niešta ad siabie, atrymaŭsia tvorčy tandem».
Rasiejskija pradziusery padtrymali ideju Dakoty, a sama śpiavačka miarkuje, što nadyšoŭ čas pakazać Eŭropie, što ŭ nas jość rodnaja mova i na joj možna śpiavać pryhožyja pieśni.
«U minułym hodzie ja była na «Eŭrabačańni» ŭ Białhradzie, — uzhadvaje Dakota. — Tady ja pačuła niamała pryhožych piesień na roznych movach śvietu. Krainy pradstaŭlali svaje kultury, svaje movy. I mnie stała kryŭdna, što biełarusy uvieś čas śpiavajuć pa‑anhlijsku, bo najpierš treba pakazać svaju rodnuju movu».
Heta nia pieršaja biełaruskamoŭnaja pieśnia Dakoty. Vyśvietliłasia, što śpiavačka napisała ŭžo nie adnu kampazycyju na rodnaj movie. Ale jaje fany pakul nivodnuju ź ich nie pačuli.
Dakota, darečy, ledź nie adzinaja vykanaŭca, jakaja chacieła b zaśpiavać na Eŭrabačańni pa‑biełarusku. Jak paviedamiła pradziuser «Eŭrafestu» Nastaśsia Cichanovič, siarod zajavak pieravažajuć pieśni pa‑rasiejsku i pa‑anhlijsku.
Z asnoŭnych kankurentaŭ Dakoty vystupiać Piotra Jałfimaŭ, Hiuneš, hurt Litesound, Volha Płotnikava, Alaksandar Patlis i inšyja. Ale kankurenty biełaruskuju movu nie vykarystali.
«Ale niekalki biełaruskamoŭnych piesień usio ž budzie, — kaža pradziuser Anastasija Cichanovič. — Choć viadomyja artysty ŭ asnoŭnym vybirajuć anhlijskuju movu».
Takim čynam, upieršyniu ŭ historyi na «Eŭrabačańni» moža prahučać biełaruskamoŭny superchit. Dakota biez vahańniaŭ praśpiavała nievialiki ŭryvak svajoj pieśni:
«Sonca tvaim ahniom ratuje nas na dośvitku suśvietu,Dzieści idzie vajna, a dzieści ludzi dumajuć pra leta.
Moža, ty moj hieroj, ci ty sa mnoj, ci moža nie biaz rešty,
Dy kropli na aknie…»
Kamientary