5 listapada supracoŭniki Baraŭlanskaha śpieclashasa adnavili dva kryžy ŭ Kurapatach, złamanyja padčas raniejšych rabot. Pra heta paviedamiŭ kiraŭnik hramadskaj dyrekcyi narodnaha memaryjału Kurapaty Aleś Čacholski, piša Radyjo Svaboda.
«Siońnia z ranicy kryžy adnavili. Pracavali pry mnie. Zamiest vialikaha kryža kala darožki, jaki śpiłavali padčas subotnika, pastavili zusim novy, u druhoha, jaki pobač z kalcavoj, zamianili paškodžanuju papiaročku», — paviedamiŭ Aleś Čacholski.
Pavodle aktyvista, niavypraŭlenym zastajecca jašče adzin istotny niedachop, jaki vyjaviŭsia padčas budaŭnictva piešachodnaj darožki ŭ Kurapatach — nia znojdziena rašeńnie dla advodu vady ź placoŭki pamiž hetaj darožkaj i kalcavoj. Ale Aleś Čacholski miarkuje, što prablemu vyrašać.
«Hetym ciapier zajmajucca prajektavalniki, dumajuć, jak vypravić svaju chibu. Bo spačatku zaprajektavali darožku biez advodu vady, spadziavalisia tolki na drenažnuju kanavu pad kalcavoj, ale daždžy pakazali, što vada ŭsio roŭna źbirajecca i nia schodzić. Dumajuć ciapier, što rabić. My prapanavali zakłaści pad darožkaj trubu vialikaha dyjametru. Mahčyma, heta i budzie pryniata. Čakajem rašeńnia», — skazaŭ Aleś Čacholski.
Kamientary