Novaja praca haradzienskich historykaŭ Siarhieja Tokcia i Andreja Vaškieviča vyjšła ŭ sieryi «Haradzienskaja biblijateka», zasnavanaj Rucham za Svabodu. «Nieviadomyja staronki biełaruskaha nacyjanalnaha ruchu. Piotr Siaŭruk. Niebyćcia nie isnuje» — treciaja kniha sieryi. Jana pryśviečana biełaruskamu nacyjanalnamu i hramadskamu ruchu ŭ 1920-ch.
Piotr Siaŭruk byŭ aktyŭnym čałaviekam. Jamu daviałosia žyć u pierałomnym momancie historyi, u čas padzieńnia Rasiejskaj impieryi i naradžeńnia palityčnych patrabavańniaŭ narodu, elity jakoha zusim niadaŭna maryli tolki ab tym, kab «ludźmi zvacca». Pajšoŭšy z hetaha śvietu ŭ 24 hady, Siaŭruk tym nia mienš pakinuŭ bahatuju rukapisnuju spadčynu, jakaja dazvalaje zrazumieć histaryčnyja padziei toj składanaj i hieraičnaj epochi ŭ historyi biełaruskaha narodu.
Niekatoryja zaŭvahi Piotra Siaŭruka nakont biełaruskich elitaŭ i biełarusaŭ u cełym, napisanyja ŭ siaredzinie dvaccatych hadoŭ, aktualnyja pa siońnia.
Pravadyry biełaruskaha ruchu, pisaŭ Siaŭruk, viaduć za saboj nie jeŭrapiejski narod, a masu, jakaja moža tolki stać narodam. Što źmianiłasia ad taho času? A elity — pisaŭ Siaŭruk — u asnoŭnym zajmalisia saboju, zabłytalisia ŭ svarkach, vyśviatleńni asabistych kryŭdaŭ i prapahandavańni pośpiechaŭ, jakija ŭ sapraŭdnaści słužyli čužym intaresam.Pravadyry nikoli ŭ nas nie budavali nacyjanalnaj supolnaści, nie vyznačali stratehičnych metaŭ, nie stvaryli, uzoram susiednich narodaŭ, nacyjanalnaj mifałohii, svaimi pavodzinami viali da razhublenaści hramadstva i zamacoŭvańnia ŭsialakich prajavaŭ tutejšaści.
Zaprašajem na prezientacyju knihi «Nieviadomyja staronki biełaruskaha nacyjanalnaha ruchu. Piotr Siaŭruk. Niebyćcia nie isnuje» z udziełam aŭtaraŭ Siarhieja Tokcia i Andreja Vaškieviča, doktara historyi ź Biełastoku Jaŭhiena Miranoviča i plamieńnika Piatra Sieŭruka – piśmieńnika Mikoły Dzielankoŭskaha.
Pačatak prezientacyi:
čaćvier, 27 listapada, 18.30 pa adrasie: Hrodna, Budzionnaha 48a-44 (pamiaškańnie Tavarystva Biełaruskaj Škoły).
Uvachod volny, zaprašajem!
Padrabiaźniej pra knihu na http://kamunikat.org/knihi.html?pubid=9623
Kamientary