Były sanitar Nils Chiohiel, jaki adbyvaje pažyćciovaje źniavoleńnie za zabojstva šaści čałaviek, znoŭ trapiŭ na łavu padsudnych. Ciapier jaho abvinavačvajuć u zabojstvie jašče 100 pacyjentaŭ, paviedamlaje DW.
Były sanitar Nils Chiohiel (Niels Högel), jaki abvinavačvajecca ŭ zabojstvie 100 čałaviek, pryznaŭsia ŭ hetych złačynstvach. U pieršy ž dzień sudovaha pracesu pa jahonaj spravie, jaki pačaŭsia ŭ aŭtorak, 30 kastryčnika, u nižniesaksonskim horadzie Oldenburh, na pytańnie sudździ, ci abhruntavanyja abvinavačvańni suprać jaho, Chiohiel adkazaŭ: «Tak».
41-hadovy padsudny, jaki ŭžo asudžany da pažyćciovaha źniavoleńnia za šeść zabojstvaŭ, ciapier abvinavačvajecca ŭ jašče 100 vypadkach zabojstvaŭ, učynienych u 2000-2005 hadach. Pavodle abvinavačańnia, sanitar, jaki pracavaŭ u dźviuch klinikach — u Oldenburzie i Delmienchorście, rabiŭ chvorym va ŭzroście ad 34 da 96 hadoŭ ukoły, uvodziačy miedykamienty, što pryvodziła da ich śmierci. Paśla hetaha Chiohiel sprabavaŭ reanimavać pacyjentaŭ, adnak zrabić heta jamu časta nie ŭdavałasia.
Kamientary