Novy pasoł Rasii ŭ Biełarusi Michaił Babič, jaki raniej pracavaŭ pradstaŭnikom prezidenta Rasii ŭ Pryvołžskaj fiederalnaj akruzie, uziaŭ z saboj na pracu ŭ Minsk svajho byłoha namieśnika-siłavika i pamočnika, paviedamlaje «Kommiersant».
Były namieśnik pradstaŭnika prezidenta Rasii ŭ Pryvołžskaj fiederalnaj akruzie Alaksiej Suchaŭ, jaki kuryravaŭ unutranuju palityku rehijonaŭ i siłavikoŭ, staŭ pracavać u pasolstvie Rasii ŭ Biełarusi.
Z 29 vieraśnia Suchaŭ pačaŭ pracu na pasadzie savietnika-pasłańnika.
Alaksiej Suchaŭ pryśviaciŭ svajo žyćcio vajskovaj spravie. U 1983-1987 hadach u Biełaruskaj vajskovaj akruzie jon kamandavaŭ spačatku tankavym uzvodam, zatym — tankavaj rotaj. U 1991 hodzie Suchaŭ skončyŭ Vajskovuju dypłamatyčnuju akademiju, a zatym staŭ pamočnikam vajskovaha ataše pry pasolstvie Rasii ŭ Kitai. Paralelna Alaksiej Suchaŭ vyvučyŭsia ŭ Vajskovaj akademii Hienieralnaha štaba US Rasii i dasłužyŭsia da namieśnika načalnika ŭpraŭleńnia HU Hienštaba. U 2009 hodzie jon stanovicca načalnikam Hałoŭnaha ŭpraŭleńnia mižnarodnaha vajskovaha supracoŭnictva Rasii, paźniej pierachodzić u słužbu pa kantroli za abaračeńniem narkotykaŭ, a zatym — u Minenierha Rasii. Uznaharodžany miedalom «Za bajavyja zasłuhi», miedalom «Za advahu», ordenam «Za vajennyja zasłuhi», ordenami Pašany, Alaksandra Nieŭskaha i Družby.
Z raniejšaj kamandy Babiča ŭ pasolstva na pasadu staršaha daradcy pasła taksama pierajšoŭ jaho były pamočnik Alaksandr Dziamienćjeŭ.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary