Pytańnie biaśpieki było centralnym na pasiadžeńni Savieta kiraŭnikoŭ dziaržaŭ SND, jakoje prajšło ŭ stalicy Tadžykistana horadzie Dušanbe. Pra heta zajaviŭ Alaksandr Łukašenka ŭ karotkim intervju pradstaŭnikam rasijskaha telebačańnia na palach samita, piša BiełTA.
«Pytańnie biaśpieki — heta, možna skazać, centralnaje pytańnie siońniašniaha samita. Usie prezidenty pra heta kažuć. Navat my, zdavałasia b, spakojnaja Biełaruś, pastajanna pra heta havorym, uličvajučy jašče i tyja niebiaśpieki i vykliki, jakija ŭtojvajuć u sabie dziejańni zachodnich dziaržaŭ i NATA kala našych miežaŭ, la miežaŭ Sajuznaj dziaržavy», — zajaviŭ Alaksandr Łukašenka.
«Darečy, my ŭ takim kanfidencyjnym paradku abmiarkoŭvali hetuju prablemu z Uładzimiram Uładzimiravičam (Pucinym). Ja nie budu kankretyzavać, ale asabista my razmaŭlali mienavita pa hetym pytańni», — udakładniŭ jon.
Kiraŭnik biełaruskaj dziaržavy taksama adznačyŭ, što ŭ śfiery biaśpieki ŭpłyvajuć i inšyja faktary, u tym liku vajennyja. «Vaźmicie ŭ nas — pra heta šmat ciapier na samicie kazali, nie adzin prezident. I ja tam pra heta kazaŭ, i Nursułtan Abišavič (Nazarbajeŭ). Pytańni uschodu Ukrainy, pytańni Prydniastroŭja, asabliva Nahornaha Karabacha. Nam by niejak zarhanizavacca i raśsiačy hetyja hordzijevy vuzły. I mnohija inšyja», — skazaŭ biełaruski kiraŭnik.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary