«My zrabili ŭsio, kab investary nia tolki pačuli, ale i adčuli duch pieramien, što adbyvajucca ŭ Biełarusi», - zaznačyŭ premjer-ministar Biełarusi.
Jak paviedamlaje pres‑słužba ŭrada Biełarusi, pieršapačatkova mierkavałasia, što kolkaść udzielnikaŭ forumu składzie prykładna 200 čałaviek, a ŭ vyniku — pieravysiła 370. Pry tym, što ŭdzieł u forumie byŭ płatnym, takaja kolkaść udzielnikaŭ śviedčyć ab roście cikavaści jeŭrapiejskich biźniesmienaŭ da Biełarusi, ličyć S.Sidorski.
Jon zaznačyŭ, što va ŭmovach suśvietnaha finansavaha kryzisu kraina prezientavała realnyja prajekty, pakazała adkrytaść ekanomiki, jakuju hety kryzis zakranuŭ u najmienšaj stupieni.
«My zrabili ŭsio, kab jany (inviestary. — BiełaPAN.) nie tolki pačuli, ale i adčuli duch pieramien, što adbyvajucca ŭ Biełarusi.Usie ŭdzielniki vykazali mierkavańnie, što hatovy inviestavać u našu krainu. Jość vialikaja zacikaŭlenaść inviestaraŭ pracavać u Biełarusi, u tym liku inviestaraŭ z arabskaha śvietu», — skazaŭ S.Sidorski.
Kažučy pra kankretnyja kirunki raźvićcia supracoŭnictva pamiž biełaruskimi i jeŭrapiejskimi pradpryjemstvami, premjer‑ministr paviedamiŭ, što padčas jaho sustreč u miežach forumu z kiraŭnikami najbujniejšych jeŭrapiejskich pradpryjemstvaŭ byli abmierkavanyja asobnyja prajekty. U pryvatnaści, kampanija «Katerpiłar» (ZŠA) prapanoŭvaje pieranieści šerah svaich vytvorčaściej u Biełaruś. Byli abmierkavanyja i inšyja prajekty, źviazanyja ź dziejnaściu MAZa, MTZ.
Jak paviedamlaje pres‑słužba, padčas vizitu ŭ Łondan S.Sidorski sustreŭsia ź dziaržaŭnym ministram pa spravach Jeŭropy, členam Kabinieta ministraŭ Vialikabrytanii Kerałajn Flint, z členami Pałaty hramadaŭ i Pałaty łordaŭ, a taksama z pradstaŭnikami dziełavych kołaŭ Vialikabrytanii.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary