Rasijskaje vydańnie «Rosbałt» miarkuje, što z pryznačeńniem novaha pasła ŭ Minsku Maskva ŭziała kurs na pahłynańnie Biełarusi.
Jak miarkuje «Rosbałt», pryznačeńnie Babiča pasłom nieabchodna razhladać u kantekście rasijska-ŭkrainskich adnosin.
Nie tak daŭno Rasija kančatkova zhubiła Ukrainu, a Biełaruś ź jaje roznymi aktyvami (pramysłovymi i čałaviečymi) — vydatnaja kampiensacyja za stratu Ukrainy.
Pry hetym tak udała dla Rasii skłałasia, što de-jure Biełaruś užo daŭno i tak źjaŭlajecca častkaj adzinaj z Rasijaj Sajuznaj dziaržavy. Prablema dla Kramla tolki ŭ tym, što hetaja «dziaržava» isnuje tolki na papiery.
«Rosbałt» miarkuje, što mienavita Łukašenka zrabiŭ usio, kab hetaja «dziaržava» tak i zastałasia na papiery i nie nabyła realnaha źmiestu.
«Ułasna, vyklučna dziakujučy namahańniam Baćki, jaho kraina dahetul zastajecca niezaležnaj dziaržavaj»,
— piša «Rosbałt».
Ale Pucin, kab nadać novaha źmiestu «Sajuznaj dziaržavie», moža ŭździejničać na Łukašenku nie tolki bizunom, ale i piernikam, miarkuje rasijskaje vydańnie:
«Biełaruskamu lidaru mohuć zrabić prapanovu, ad jakoj (jak, mahčyma, ličyć niechta ŭ Kramli) jon nie zmoža admovicca. Naprykład, paabiacać jamu jakuju-niebudź pažyćciovuju pasadu»,
— piša Rosbałt.
Ale hety numar nie prajšoŭ, miarkuje rasijskaje vydańnie.
Z punktu hledžańnia tych, chto, mahčyma, rychtuje anšlus Biełarusi ŭ Kramli, prablema Łukašenki, paśla apošnich niaŭdałych pieramoŭ, praviedzienych ź im Pucinym, zaklučajecca ŭ tym, što Łukašenka, jak akazałasia, nie choča vyhladu ŭłady, a choča realnaj ułady, piša Rosbałt:
«Źjaŭlajučysia vielmi ambicyjnym i ŭładalubnym čałaviekam, jon choča ŭłady sapraŭdnaj. Kab vyznačać, patrabavać i kali što — karać, biez ahladki na bolš vysokuju ŭładu».
Nielha vyklučać, što Łukašenka moh by razhledzieć varyjant pierachodu, skažam, na pasadu premjera realnaj Sajuznaj dziaržavy ci Rasii, miarkuje Rosbałt. Ale premjera nie techničnaha, a realnaha. Adnak Pucin na heta nikoli nie pojdzie. A heta značyć, što z Łukašenkam na hetuju temu damovicca nie ŭdasca.
«Pryznačeńniem Babiča na pasadu rasijskaha pasła ŭ Minsku Maskva ŭziała kurs na pahłynańnie Biełarusi. Što moža supraćpastavić hetamu kursu Łukašenka i ci budzie jon sprabavać usurjoz heta rabić, pakul skazać ciažka»,
— piša Rosbałt.
Kamientary