U Biełarusi vyjšaŭ u prakat film režyserki Darji Žuk «Kryštal», vyłučany sioleta ad Biełarusi na «Oskar» u katehoryi «Najlepšy zamiežny film». Pieršyja hledačy zaŭvažyli, što prakatnaja versija adroźnivajecca ad taho, što hetym letam pakazvali na mižnarodnych festyvalach, piša Radyjo Svaboda.
Naš karespandent u hutarcy z režyserkaj u pracesie padrychtoŭki ekskluziŭnaha interviju dla Radyjo Svaboda vykazaŭ sumnieŭ, što ŭ prakatnaj versii dla Biełarusi zastanucca kadry z vuličnych demanstracyj u Miensku. Darja Žuk skazała, što hatovaja da kampramisu i pahodzicca na toje, kab tyja kadry byli vyrazanyja.
30 červienia film «Kryštal» pakazali na kinafestyvali ŭ Karłavych Varach u Čechii. Pieršaja poŭnametražnaja stužka biełaruskaj režyserki, jakaja žyvie ŭ Ńju-Jorku, adkryła konkursnuju sekcyju «Na Ŭschod ad Zachadu».
Zdymki adbyvalisia ŭ Biełarusi, u vytvorčaści filmu ŭdzielničali kinakampanii ź Biełarusi, ZŠA, Niamieččyny i Rasiei.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary