Hleb zabiŭ, ale BATE ŭsio adno sastupiŭ hałandskamu PSV — VIDEA piaci hałoŭ
Barysaŭski BATE jašče tydzień tamu zabiaśpiečyŭ sabie vychad u hrupavy etap jeŭrakubkaŭ. Pytańnie było tolki kudy: u Lihu čempijonaŭ, ci Lihu Jeŭropy? Kab trapić u hrupu ŁČ čempijonu Biełarusi treba było pieramahać hałandski PSV z Ejndchoviena.
Na žal, trybuny «Barysaŭ-Areny» nie zapoŭnilisia całkam. Ciažka skazać, što stała tamu pryčynaj: poźni pačatak hulni, niemałyja ceny na bilety ci mały pramiežak času pa prodažy, ale trybuny źziali pustymi miescami.
Cikavy fakt, što BATE jašče nivodnaha razu nie sastupaŭ u stadyi płej-of Lihi čempijonaŭ. I zaŭsiody, kali dachodziŭ da hetaj stadyi, to prabivaŭsia ŭ asnoŭny etap Lihi čempijonaŭ.
BATE ździviŭ tym, što ŭ asnovie napadnikam vyjšaŭ fin Jase Tuominien. Ale mienavita jon staŭ aŭtaram hoła ŭžo na dziaviataj chvilinie hulni, paśla prastreła Filipaviča.
U centry abarony BATE hulali Jahor Filipienka i Niemańja Miłunavič. I heta było samym słabym źvianom biełarusaŭ. Jany vielmi šmat abrazalisia i pryvozili momanty da svaich varot. Dla Miłunaviča heta byŭ pieršym matčam paśla traŭmy.
Pry ŭsim pry hetym BATE moh rabić lik bolšym, jašče ŭ pieršym tajmie, ale pry kančatkovaj stadyi nie chapała dakładnaści, ale ratavaŭ bramnik.
Biada pryjšła na 35-j chvilinie, kali rukoj u štrafnoj zhulaŭ Miłunavič, niamiecki arbitr ukazaŭ na kropku. Uruhvajec Haston Pierejra ŭdaryŭ nie duža dobra, ale Ščarbicki nie zmoh adbić udar — 1:1.
Ščarbicki byŭ adnym z najlepšych hulcoŭ matča, kolki razoŭ jon ratavaŭ kamandu ŭ bieznadziejnych situacyjach.
U druhim tajmie PSV napierad vyvieŭ mieksikaniec Łasana, jaki biljardna trapiŭ u daloki kut. Zdavałasia, što BATE ŭžo nie adhulacca.
Adnak adznačycca zdoleŭ nie aby-chto, a Alaksandr Hleb, jaki padpilnavaŭ adskok na miažy štrafnoj — 2:2. Praŭda, ščaście nie było doŭhim, užo ŭ nastupnaj atacy hałandcy ŭsio ž vyrvali pieramohu, adznačyŭsia Daniel Malen — 2:3. I znoŭ nie abyšłosia biez pamyłki Miłunaviča.
Hulnia ŭ adkaz projdzie praz tydzień u Ejndchovienie. Navat u vypadku parazy BATE trapić u hrupavy etap Lihi Jeŭropy.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary