Skončyłasia rasśledavańnie zabojstva dvuchhadovaj dziaŭčynki ŭ Słucku, paviedamili BiełTA ŭ Śledčym kamitecie.
«Vyśvietlena, što 26-hadovy sužyciel maci dziaŭčynki nanios joj nie mienš za 190 udaraŭ pa roznych častkach cieła, a jaje piacihadovamu bratu — nie mienš za 50. Maci, majučy mahčymaść spynić dziejańni sužyciela i paviedamić ab nieabchodnaści miedycynskaj dapamohi dzieciam, hetaha nie zrabiła. Tym samym zaviedama pakinuła biez dapamohi dziaciej, majučy abaviazak pra ich kłapacicca», — painfarmavali ŭ SK.
Dziejańni mužčyny kvalifikavany pa dvuch artykułach KK jak zamach na zabojstva dvuch zaviedama małaletnich asobaŭ, z asablivaj žorstkaściu, z chulihanskich mierkavańniaŭ i zabojstva zaviedama małaletniaha, z asablivaj žorstkaściu, z chulihanskich mierkavańniaŭ). Jon znachodzicca pad vartaj.
Maci zahinułaj dziaŭčynki vystaŭlenaje abvinavačvańnie pa č. 2 art. 159 KK (pakidańnie ŭ niebiaśpiecy). Miera strymańnia - padpiska ab niavyjeździe i naležnych pavodzinach.
Sprava pieradadziena ŭ prakuraturu dla nakiravańnia ŭ sud.
Padčas rasśledavańnia było praviedziena bolš za 30 ekśpiertyz, dapytana bolš za 100 čałaviek. Psichołaha-psichijatryčnaja ekśpiertyza vyśvietliła, što abvinavačany moh u poŭnaj miery ŭśviedamlać značeńnie svaich dziejańniaŭ i kiravać imi.
29 studzienia ŭ adnym z damoŭ u Słucku miedbryhada vyjaviła dvuchhadovuju dziaŭčynku ŭ ciažkim stanie sa śladami źbićcia. Niahledziačy na reanimacyjnyja mierapryjemstvy, jana pamierła. Pa fakcie śmierci małaletniaj z prykmietami kryminalnaha charaktaru raspačali kryminalnuju spravu. Byli zatrymanyja 26-hadovyja maci dziaŭčynki i jaje sužyciel.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary