Praciahvajecca rasśledavańnie ab dziejnaści łžebrokieraŭ z kampanii Trade12, jakim biełarusy pieraviali kala 650 tysiač dalaraŭ, paviedamlaje Śledčy kamitet. Pradstaŭniki firmy prapanoŭvali vyhadna inviestavać hrošy — handlavać na rynku Forex, paśla čaho vymańvali hrošy i spyniali vychodzić na suviaź.
Pad handlovaj markaj «Trade12» byŭ arhanizavany internet-servis, jaki nibyta zajmaŭsia akazańniem brokierskich pasłuh. Hramadzianam prapanoŭvałasia paŭdzielničać u tarhach na kursach valut, mietałami, kantraktami, akcyjami. Dla hetaha nieabchodna było ŭnieści hrašovyja srodki na handlovy rachunak na elektronnaj płatformie kampanii.
Paciarpiełyja znachodzilisia ŭ poŭnaj upeŭnienaści, što pad kiraŭnictvam «brokiera» pravodziać realnyja apieracyi z kaštoŭnymi papierami, adnak faktyčna jany hulali ŭ anłajn-hulniu, jakaja imituje pracu foreks-kampanii, u tym liku tarhi.
Pieršapačatkova dla paciarpiełych madelavalisia paśpiachovaja finansavaja dziejnaść, paśla čaho «brokiery» pierakonvali hramadzian układvać usie vialikija sumy.
U vypadku admovy dadatkova ŭnosić hrašovyja srodki na rachunak, brokiery tłumačyli, što abnajavić ich nie ŭjaŭlajecca mahčymym i, kab praciahvać karystacca rachunkam, nieabchodna jaho papoŭnić na jašče bolš bujnuju sumu.
Ustanoŭlenaja na dadzieny momant ahulnaja suma škody składaje kala 650 tys. dalaraŭ ZŠA.
Kryminalnyja spravy ŭ dačynieńni da pradstaŭnikoŭ kampanii zavodzilisia pa ŭsioj terytoryi Respubliki Biełaruś i ŭ krainach SND z 2016 hoda.
Śledčy kamitet źviartaje ŭvahu, što internet-servis «Trade 12» nie maje pravoŭ na akazańnie finansavych pasłuh na terytoryi Respubliki Biełaruś i ŭniesiena ŭ «čorny śpis» šmatlikich mižnarodnych arhanizacyj pa rehulavańni adnosin u śfiery finansavych rynkaŭ.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary