U 40-j paliklinicy Minska ŭstalavali pieršy ŭ Biełarusi kantejnier dla zboru ŭ nasielnictva sapsavanych lekaŭ.
— Ustaloŭka kantejniera stała važnym krokam u raspracoŭcy sistemy zboru i ŭtylizacyi praterminavanych lekaŭ ad nasielnictva ŭ našaj krainie. Paśla taho, jak my adpracujem schiemu, možna budzie mulciplicyravać hety dośvied na inšyja palikliniki, rajony i harady, — kamientuje supracoŭnica prahramy pa chimičnaj biaśpiecy i adchodach Centra ekałahičnych rašeńniaŭ Natalla Błyščyk.
Jak pakazali daśledavańni apošnich dvuch hadoŭ, prablema zabrudžvańnia lekami navakolnaha asiarodździa ŭ Biełarusi nie mienš aktualnaja, čym u inšych krainach.
U składzie ściokavych vod bujnych haradoŭ Biełarusi byli vyjaŭlenyja harmanalnyja preparaty, antybijotyki, supraćzapalenčyja i mnohija inšyja leki. Ačyščalnyja zbudavańni nie zdolnyja «ŭłoŭlivać» maleńkija malekuły lekavych srodkaŭ, takim čynam, jany traplajuć u ściokavyja vady, reki i mohuć apynucca ŭ pitnoj vadzie.
— Traplańnie lekavych srodkaŭ u pitnuju vadu moža niehatyŭna adbicca na zdaroŭi nasielnictva. Naprykład, harmanalnyja preparaty mohuć vyklikać prablemy repraduktyŭnaha charaktaru, antybijotyki — pryvieści da rezistentnaści mikraarhanizmaŭ, i čałaviek paśla nie zmoža lačycca ad zachvorvańniaŭ, jakija pahražajuć žyćciu, — raspaviała zahadčyca kafiedry farmaceŭtyčnaj chimii BDMU, k.f.n., dacent Natalla Jarancava.
Taksama śpiecyjalisty adznačajuć, što, akramia pravilnaj utylizacyi lekaŭ, varta źviartać uvahu i na praduchileńnie nazapašvańnia niepatrebnych lekaŭ. Pa statystycy, dźvie traciny biełarusaŭ (65%) kuplajuć lekaŭ bolš, čym im heta nieabchodna.
Kantejnier dla zboru niepatrebnych lekaŭ dastupnyja dla ŭsich achvotnych u faje 40-j palikliniki h. Minska (vuł. Lucynskaja, 3) u hadziny pracy palikliniki (pn-pt: z 7 da 20 hadzin; sub: z 8.30 da 15 hadzin). Schiemu prajezdu možna znajści tut.
Čamu YouTube vydaliŭ kanały BiełTA, STB i ANT? Voś što viadoma11
Kamientary