Zatrymany hałoŭny pa miasie i małaku ŭ Minskaj vobłaści Uładzimir Łapicki?
Pavodle infarmacyi «NN», 10 lipienia supracoŭniki AMAP na pracoŭnym miescy zatrymali hienieralnaha dyrektara «Minabłmiasamałprama» Uładzimira Łapickaha.
U strukturu «Minabłmiasamałprama» uvachodziać Barysaŭski, Słucki i Minski miasakambinaty, Staŭbcoŭski miasakansiervavy; Minski małočny zavod № 1, Maładziečanski małočny kambinat, «Zdravuška-miłk», Słucki syrarobny kambinat, a taksama UP «Iłaŭskaje». Heta adno z najbujniejšych padobnych abjadnańniaŭ.
Struktura znachodzicca ŭ padparadkavańni Minskaha abłasnoha vykanaŭčaha kamiteta.
Na samim pradpryjemstvie pakul nie paćviardžajuć hetuju infarmacyju. «Uładzimir Michajłavič u kamandziroŭcy», — skazała sakratarka Łapickaha.
«Nie, chłopcy, zvanicie nie da mianie, a ŭ inšyja orhany», — adreahavaŭ pieršy namieśnik hiendyrektara Uładzimir Rudnik.
«Nijakich kamientaroŭ nie budzie», — adznačyŭ namieśnik hiendyrektara pa pravavoj i markietynhavaj dziejnaści Pavieł Łapo.
Śledčy kamitet abiacaje padzialicca infarmacyjaj pa hetym pytańni bližejšym časam.
Uładzimir Łapicki byŭ hienieralnym dyrektaram «Minabłmiasamałprama» tolki ad sakavika 2017 hoda. Da hetaha jon 26 hadoŭ adpracavaŭ na roznych pradpryjemstvach u Barysavie. Apošnija piać hadoŭ uznačalvaŭ «Zdravušku-miłk».
Uładzimir Łapicki naradziŭsia ŭ 1963 hodzie ŭ Staŭrapalskim krai Rasii. Skončyŭ Mahileŭski technałahičny instytut i Akademiju kiravańnia pry prezidencie.
Admietna, što papiaredni kiraŭnik pradpryjemstva «Minabłmiasamałpram» byŭ aryštavany za vymańvańnie kredytu i chabaru.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma26
Kamientary