Kiraŭnika niezaležnaha prafsajuzu Hienadzia Fiadyniča nie vypuścili ź Biełarusi
Śledčyja nie dazvolili časova pakinuć krainu staršyni niezaležnaha prafsajuzu radyjoelektronnaj pramysłovaści (REP) Hienadziu Fiadyniču, jakoha ŭ Biełarusi abvinavačvajuć va «ŭchileńni ad spłaty padatkaŭ u asabliva bujnym pamiery», paviedamlaje Radyjo Svaboda.
Fiadyniča ŭklučyli ŭ skład delehacyi hlabalnaha prafsajuzu IndustriALL, jakaja ad 29 traŭnia ŭdzielničaje ŭ kanferencyi Mižnarodnaj arhanizacyi pracy (MAP) u Ženevie.
«Kiraŭnik śledčaj hrupy skazaŭ Fiadyniču, što kali b za miažu treba było jechać dla lačeńnia, to tady, vierahodna, dazvoł dali b. A mižnarodnaja kanferencyja nia jość padstavaj dla pajezdki ŭ Ženevu pry takoj surjoznaj kryminalnaj spravie», — paviedamiŭ Svabodzie presavy sakratar REP Mikałaj Hierasimienka.
Hieneralny sakratar IndustriALL Valter Sančes u liście na imia Śledčaha kamitetu prasiŭ dazvolić Hienadziu Fiadyniču vyjechać časova ź Biełarusi. Prafsajuzy brali na siabie harantyju viartańnia na radzimu prafsajuznaha lidera, jaki znachodzicca pad padpiskaj ab niavyjeździe.
Hlabalny sajuz IndustriALL abjadnoŭvaje bolš za 50 miljonaŭ pramysłovych rabotnikaŭ u 140 krainach śvietu.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski19
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary