U Traćciakoŭcy vandał nanios surjoznyja paškodžańni karcinie «Ivan Hrozny zabivaje svajho syna» za «nieadpaviednaść histaryčnaj praŭdzie»
U Traćciakoŭskaj halerei ŭ Maskvie mužčyna paškodziŭ viadomuju karcinu Repina «Ivan Hrozny zabivaje svajho syna», jaho zatrymali, zajaviła aficyjny pradstaŭnik MUS Rasii Iryna Voŭk.
Achova Traćciakoŭki paviedamiła pra zdareńnie kala 21:00 25 maja. Na miesca zdareńnia vyjechali palicejskija. Jany zatrymali mužčynu, jaki mietaličnym słupkom aharodžy raźbiŭ škło karciny i nanios pałatnu surjoznyja paškodžańni.
Suprać jaho raspačali kryminalnuju spravu pa artykule «Źniščeńnie abo paškodžańnie abjektaŭ kulturnaj spadčyny».
Incydent adbyŭsia pierad samym zakryćciom halerei, kali supracoŭniki ŭžo pravodzili płanavy ahlad załaŭ. Adzin z apošnich naviednikaŭ prarvaŭsia ŭžo ŭ pustuju zału i nanios pa zašklonych pałotnach niekalki udaraŭ stojkaj aharodžy. U vyniku škło raźbiłasia, askiepki prarvali pałatno ŭ troch miescach na postaci careviča. Ad padzieńnia mocna paciarpieła aŭtarskaja rama.
«Pa ščaślivaj vypadkovaści samaje kaštoŭnaje — adlustravańnie tvaraŭ i ruk cara i careviča - nie paciarpieli», - skazali ŭ pres-słužbie.
Krynica TASS paviedamiła, što zatrymanym akazaŭsia 37-hadovy pryjezdžy z Varonieža. Zatrymany rastłumačyŭ palicyi, što paškodziŭ karcinu z-za niedakładnaści adlustravanych na pałatnie histaryčnych faktaŭ», — skazaŭ surazmoŭca ahienctva.
Mužčyna, pa ŭłasnym pryznańni, znachodziŭsia ŭ stanie ałkaholnaha apjanieńnia. «Pryjechaŭ pahladzieć na jaje [karcinu], a vośmaj viečara zajšoŭ, užo sabraŭsia ŭžo iści, u bufiet, vypiŭ 100 hramaŭ harełki. Harełku nie pju, voś i nakryła», — skazaŭ jon, adkazvajučy na pytańnie pravaachoŭnikaŭ.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar6
Kamientary