Paŭnočnaja Kareja moža pierahledzieć płan samita z ZŠA, kali Vašynhton budzie trymacca «niezakonnych i aburalnych dziejańniaŭ». Pra heta zajaviła namieśnik ministra zamiežnych spraŭ KNDR Čchvie Son Chi, pieradaje Yonhap.
Słovy čynoŭnicy pieradało Centralnaje infarmacyjnaje ahienctva KNDR. Jana raspaviała, što los zapłanavanaha na 12 červienia samitu pamiž Kim Čen Ynam i prezidentam ZŠA Donaldam Trampam całkam zaležyć ad pavodzinaŭ ZŠA.
«Ci sustrenucca ZŠA z nami ŭ zale pasiadžeńniaŭ abo jany sustrenucca z nami ŭ jadziernym supraćstajańni, całkam zaležyć ad rašeńnia i pavodzin Złučanych Štataŭ», — skazała jana.
«U vypadku, kali ZŠA źniavažać našu dobruju volu i buduć čaplacca za niezakonnyja i aburalnyja dziejańni, my prapanujem našamu vyšejšamu kiraŭnictvu pierahledzieć samit KNDR — ZŠA», — dadała jana.
Kamientary