Trenier biełaruskaha futbolnaha kłuba papracavaŭ usiaho čatyry dni, bo pryjšoŭ na sustreču z zaŭziatarami pjanym
Čarhovaja historyja z žyćcia biełaruskaha futboła. 16 lutaha hałoŭnym trenieram futbolnaha kłuba druhoj lihi «Maładziečna» byŭ pryznačany Michaił Makoŭski.
Adnak jon nie paśpieŭ papracavać i čatyroch dzion. 19 lutaha adbyłasia sustreča treniera z zaŭziatarami i presaj, na jakuju jon, jak paviedamlajuć futbolnyja supołki ŭ sacyjalnych sietkach, pryjšoŭ pjanym.
Adrazu paśla zakančeńnia sustrečy Michaił Makoŭski byŭ adchileny z pasady. Na jaho miesca byŭ pryznačany rodny brat Uładzimir, jaki raniej byŭ asudžany na 2 hady za arhanizacyju damoŭnych matčaŭ i pazbaŭleny prava zajmać lubyja pasady, źviazanyja z futbołam, na praciahu 5 hadoŭ.
Adnak Uładzimir Makoŭski pratrymaŭsia na pasadzie jašče mienš. Paśla abureńnia zaŭziataraŭ hałoŭnym trenieram «Maładziečna» byŭ pryznačany Valer Vietraŭ.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary