Akademik Łukašaniec: Naśpieła nieabchodnaść uvieści abaviazkovaje teściravańnie pa biełaruskaj movie pry pastupleńni ŭ lubuju VNU
Pieršy namieśnik dyrektara pa navukovaj pracy Centra daśledavańniaŭ biełaruskaj kultury, movy i litaratury Akademii navuk, akademik Alaksandr Łukašaniec miarkuje, što naśpieła nieabchodnaść uviadzieńnia abaviazkovaha teściravańnia pa biełaruskaj movie.
Pra heta zajaviŭ u intervju ahienctvu «Minsk-Naviny».
«Samym važnym i aktualnym dla pašyreńnia śfiery vykarystańnia biełaruskaj movy stanovicca adukacyjny aśpiekt. Abiedźvie movy ŭ sistemie adukacyi nieabchodna pastavić u adnolkavyja ŭmovy.
Kožny vučań, zakančvajučy škołu, abaviazany vałodać dźviuma dziaržaŭnymi movami nastolki, kab volna karystacca imi ŭ luboj śfiery, a vypusknik VNU — svabodna ažyćciaŭlać svaju prafiesijnuju dziejnaść.
Asabliva heta tyčycca piedahohaŭ.
Liču, što naśpieła nieabchodnaść uvieści abaviazkovaje testavańnie pa abiedźviuch movach pry zakančeńni siaredniaj škoły i pry pastupleńni ŭ VNU niezaležna ad abranaj śpiecyjalnaści.
Dla słužbovych asob vałodańnie dźviuma dziaržaŭnymi movami pavinna stać abaviazkovaj umovaj prafiesijnaj padrychtoŭki. Zrazumieła, kab situacyja źmianiłasia, varta pašyryć biełaruskamoŭnaje asiarodździe», — zajaviŭ akademik Łukašaniec.
Apytanka
Ciapier čytajuć
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin11
Kamientary