Madel raspaviała prostuju schiemu, jak chutka pieramahčy vuhry. Niaŭžo heta pracuje?
Bryjana Łopiez z Łos-Andželesa raniej strašna pakutavała praz prablemy sa skuraj tvaru. Dziaŭčyna pieryjadyčna ŭpadała ŭ depresii i admaŭlałasia bačyć svaich blizkich. Heta praciahvałasia, pakul Bryjana nie vyrašyła pačać zmahacca z aknie. Užo praz tydzień jana zaŭvažyła dobryja vyniki, a praź niekalki miesiacaŭ skura stała amal što idealnaj.
Svaju schiemu dohladu za tvaram dziaŭčyna raśpisała ŭ instahramie, prykłaŭšy zdymak «da» i «paśla», jaki kamientaroŭ nie patrabuje. Za miesiac dopis sabraŭ 17 tysiač łajkaŭ — padobna, recept sapraŭdy pracuje.
Voś piać krokaŭ, jakija Bryjana paŭtarała z dnia ŭ dzień, a to i pa niekalki razoŭ.
1. Ačyščeńnie skury alejem žažaba. Dziaŭčyna nanosić jaho masažnymi ruchami na skuru, a paśla vydalaje miakkaj tkaninaj ci kaśmietyčnaj survetkaj. Pracedura paŭtarajecca dvojčy.
2. Paśla aleju ŭ chod idzie maska [ale tolki ŭ tym vypadku, kali ŭ hety dzień dziaŭčyna karystałasia tanalnym kremam, pudraj ci inšaj kaśmietykaj. Kali nie, to hety krok prapuskajecca]. Bryjana biare 2 st.ł. naturalnaha miodu, ½ č.ł. cynamonu i ½ č.ł. kurkumy, źmiešvaje ŭsio i nanosić na tvar prykładna na hadzinu.
U hetaj maski jość niekalki alternatyŭnych varyjantaŭ: ź bientanitavaj hliny abo siery — jany padsušvajuć skuru.
3. Dalej, kab adnavić vodny bałans skury, Bryjana vykarystoŭvaje syrovatku na alejach šypšyny i morkvy, u jakuju dadaje niekalki kroplaŭ efirnaha aleju łavandy. Nanosicca hety sierum na vilhotnuju skuru lohkimi dotykami. Ale znoŭ ža: krok aktualny tolki ŭ tym vypadku, kali ŭ hety dzień na tvary byŭ makijaž.
4. Pierad snom na zony vysypańniaŭ Bryjana kropkava nanosić naturalnaje masła šy [my raniej padrabiazna pisali pra roznyja batery i kali jaki vykarystoŭvać]. Hety punkt abaviazkovy i nie zaležyć ad taho, była ci nie kaśmietyka na tvary.
5. I naprykancy — pryjom unutr raślinnych dadatkaŭ: kurkumy, rastaropšy, łaminaryi, krušyny i liścia dreva nim. Ale tut, kaniečnie, treba raicca z doktaram, kab nie narvacca na alerhiju i nie naškodzić arhanizmu.
A što dapamahaje vam?
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary