Minbudarchitektury prapanoŭvaje dazvolić minčukam budavacca ŭ Smalavičach pa zajaŭnym pryncypie
Płany pa budaŭnictvie ŭ haradach-spadarožnikach nie admianiajucca. A kab nadać paskareńnie ich realizacyi, Ministerstva architektury i budaŭnictva prapanuje dazvolić minčukam-čarhavikam budavać u Smalavičach ź dziaržpadtrymkaj pa 240-m ukazie. Pra heta raspavioŭ ministr architektury i budaŭnictva Anatol Čorny.
— Jak vy viedajecie, zaćvierdžany hienpłany haradoŭ-spadarožnikaŭ, — raspavioŭ Anatol Čorny. — U hetym hodzie my pavinny byli pabudavać tam 10 tysiač kvadratnych mietraŭ žylla. My płan vykanali i pieravykanali — pabudavana praktyčna 80 tysiač kvadratnych mietraŭ žylla. Ale heta tolki pačatak raźvićcia toj idei, jakuju zakładvaŭ prezident. Dla taho, kab niejak hetuju temu zrušyć ź miesca, my prapanujem pravieści ekśpierymient, kab majučyja patrebu žychary Minska mahli pavodle zajaŭnickaha pryncypu budavać žyllo ŭ Smalavičach z padtrymkaj zhodna z ukazam №240.
Jość padtrymka hetaj idei hubiernataram, padtrymlivaje jaje i staršynia Smalavičskaha rajvykankama. Ale ideja jašče abmiarkoŭvajecca ŭ inšych uzhadnialnych orhanach.
Ja nie dumaju, što ŭsie irvanuć ź Minska buduvacca ŭ Smalavičy, i nam nie chopić na realizacyju idei srodkaŭ — ale peŭnaja kolkaść čarhavikoŭ temaj zacikaviacca. Nie baču prablem z realizacyjaj płana - možna zareziervavać peŭnuju sumu na hety ekśpierymient. Siońnia banki hatovyja adšukvać resursy, kab kredytavać pa 240-ha ukaza.
Jak moža pracavać zajaŭny pryncyp, ministr raskazaŭ.
Vychodzić prajektnaja dekłaracyja, minskija čarhaviki (niezaležna ad hoda pastanoŭki na ŭlik) źviartajucca z zajavaj, što žadajuć tam budavacca, vybirajuć kvateru i iduć u bank pa kredyt.
— Heta maja prapanova, nie ŭsie jaje padtrymali. Ale praca idzie, — udakładniŭ ministr.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju3
Kamientary