Tolki 2 dni zastałosia da vialikaha śviatočnaha kancerta hurta «Krambambula» z prahramaj «Partyzany kaladnaha lesu». Napiaredadni kancerta 21 śniežnia ŭ Prime Hall kalektyŭ abviaściŭ pra pašyreńnie składu.
Admysłova dla hetaha vystupu hurt rychtuje novuju prahramu i kanceptualnaje šou z dekaracyjami. Prahučać usie samyja drajvovyja pieśni z šaści albomaŭ «Krambambuli», a taksama śviatočnyja i ramantyčnyja. Niekatoryja daviałosia navat razvučyć nanoŭ — jany nie hučali bolš pa 5—7 hadoŭ. Ale heta i blizka nie ŭsio, što čakaje publiku.
— Napiaredadni vialikaha śviatočnaha schodu ŭ naš partyzanski atrad zaličany try novyja bajcy-vakalisty. Heta ŭžo viadomyja pa muzyčnych zmahańniach Juryj Stylski («Daj darohu»), Piotr Klujeŭ (hurty Amplituda Smielasci i ŁSP), a taksama Aleś Dzianisaŭ (Dzieciuki). Nichto ź ich z «Krambambulaj» raniej nie śpiavaŭ, ale my dobra viedajem ich zdolnaści i ŭpeŭnienyja, što heta budzie mocna! — napisana ŭ paviedamleńni hurta na Facebook.
Akramia taho, padčas kancertu adbudziecca ŭručeńnie miedaloŭ i ordenaŭ atradu «Krambambula»: «Za dobryja spravy, pra jakija nie napišuć u ŚMI». Uznaharody vyrablenyja z ekałahičnaha i vysakajakasnaha materyjału — biełaruskaha dreva. Kandydataŭ ciaham 10 dzion moh prapanavać kožny achvočy.
Siarod pieramožcaŭ chłopčyk Cimafiej, jaki vyratavaŭ i vyhadavaŭ vuličnaha kata (jon atrymaje «Orden Mikołki Paravoza»), žanočy partyzanski atrad, jaki haduje troch dziaciej (miedali «Za lasnoje braterstva»), a taksama dziaŭčyna Valancina, jakaja dapamahaje siabram, nieznajomym ludziam i nikoli nie zdajecca («Orden dzieda Tałaša).
Jość siarod pieramožcaŭ i zusim surjoznyja ludzi: «Orden zialonaha duba» atrymaje Pavieł Padkarytaŭ — miecenat, jaki adradziŭ ahrasiadzibu ŭ Padarosku; miedalami «Za našu i vašu svabodu» ŭhanarujuć Źmitra Jurkieviča, jaki šmat zrabiŭ dziela papularyzacyi histaryčnaj postaci Tadevuša Rejtana, i jaho siabra Źmitra Drazda, jaki adčyniŭ hramadskaści šmat novych faktaŭ pra kłasika biełaruskaj litaratury Vincenta Dunina-Marcinkieviča.
Kvitki na kancert 21 śniežnia možna nabyć na sajcie i ŭ kasach Kvitki.by, a taksama na sajcie Primehall.by i ŭ kasach kłuba. Košt kvitkoŭ: tancplac — 40 rub., siadziačyja — ad 42 rub. Jość varyjanty dla hrupavych zamovaŭ. Infalinija: +375 (33) 661-14-32.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie10
Kamientary