U Jemienie zrynutaha dyktatara zabili i pravałakli pa vulicach stalicy
Paŭstancy ŭ stalicy Jemiena horadzie Sana zabili zrynutaha dyktatara krainy Ali Abdału Salecha i zachapili ŭ pałon jahonaha syna.
U internet vykładzienaje videa, jak cieła Salecha ciahnuć pa vulicy na koŭdry ŭ vialikija čyrvonyja kvietki.
Salech kiravaŭ Jemienam z 1978 da 2012 hoda. Jon syšoŭ u adstaŭku paśla masavych pratestaŭ. 2 śniežnia jon pierajšoŭ na bok Saudaŭskaj Aravii, jakaja ŭmiašałasia ŭ hramadzianskuju vajnu ŭ krainie na baku adnoj ź siłaŭ. Hetamu papiaredničali jahonyja pieramovy z Rasijaj, Iardanijaj i Arabskimi Emiratami. Paśla niekalkich dzion bajoŭ paŭstancy-chuci zachapili jahony dom i zastrelili jaho.
Za čas svajho kiravańnia Salech, jahonyja siem bratoŭ, dzieci i plamieńniki nazapasili na bankaŭskich rachunkach miljardy dalaraŭ.
Nie varta dumać, što paŭstancy pryniasuć krainie demakratyju. 27-miljonny Jemien padzieleny na plamiony i kłany, jakija zmahajucca miž saboj. Chuci — šyity, im procistajać sunity, Salech niejki čas uvachodziŭ u kaalicyju z chuci.
***
Na telehram-kanał «Našaj Nivy» možna padpisacca tut.
U Sule adznačyli Kupalle. Haściej było stolki, što na darohach utvarylisia zatory6
Kamientary