Vyšejšuju adukacyju padzielać na 2 stupieni. Jakija źmieny ŭniasuć u Kodeks ab adukacyi Biełarusi
U struktury vyšejšaj adukacyi ŭ Biełarusi płanujuć zrabić dźvie stupieni: bakałaŭryjat i mahistraturu. Heta adna z papravak, jakuju chočuć ŭnieści ŭ Kodeks ab adukacyi. Pra heta paviedamlaje BiełTA sa spasyłkaj na rektara Respublikanskaha instytuta vyšejšaj škoły (RIVŠ) Viktara Hajsionka.
Miarkujecca, što bakałaŭryjat budzie pieršaj stupieńniu vyšejšaj adukacyi, a druhoj — mahistratura.
— Ułasna, ničoha novaha tut niama, udakładniajucca tolki niejkija detali, terminy, umovy navučańnia. A voś bieśpierapynnaja adukacyjnaja prahrama, jakaja spałučaje stanovišča śpiecyjalnaściaŭ i atrymańnie śpiecyjalnaściaŭ mahistarskaj padrychtoŭki ŭ bieśpierapynnym cykle, uvodzicca ŭpieršyniu. Jana budzie aryjentavana na padrychtoŭku pa asabliva składanych śpiecyjalnaściach — daktaroŭ, fizikaŭ-jadzierščykaŭ i inšych, — raspavioŭ rektar RIVŠ, adznačyŭšy, što ŭsiaho pa takim šlachu buduć iści kala 50 śpiecyjalnaściaŭ. Akramia taho, miarkujecca značna skaracić kolkaść śpiecyjalnaściaŭ.
— Zaraz my majem amal 400 śpiecyjalnaściaŭ na pieršym uzroŭni i ŭ mahistratury. Akramia taho, jość jašče śpiecyjalizacyi pa kožnaj śpiecyjalnaści i napramki, i za ŭsio atrymlivajecca ŭ nas 1,5 tys. adukacyjnych prahram tolki pa adnym ŭzroŭni, a pa kožnaj patrebien poŭny kamplekt dakumientacyi (navučalny płan, typavaja prahrama, adukacyjny standart), — rastłumačyŭ Viktar Hajsionak. U suviazi z hetym prapanujecca ŭvieści ŭzbujnienyja śpiecyjalnaści, a śpiecyjalizacyi z kłasifikatara śpiecyjalnaściaŭ naohuł prybrać.
U Kodeks ab adukacyi taksama chočuć ŭnieści novuju kłasifikacyju VNU, ich płanujuć ranžyravać pa vyznačanych pakazčykach.
Źmieny ŭ Kodeks ab adukacyi ŭžo ŭ chutkim časie uniasuć va ŭrad.
Kamientary