«Čorny maj», «Kurapaty», «U horadzie čužych nazvaŭ»... Składanka, BMA-hrup, 2008
Prajekt zapisany, zmajstravany dy spradusavany Andrejem Plasanavym, i jahonyja ž ruki z razarvanymi kajdankami na vokładcy.
U składancy ŭziali ŭdzieł siem bardaŭ abo muzykaŭ, zdolnych hučać u farmacie aŭtarskaj pieśni.Akrom ułasna lidera P.L.A.N. tut piajuć Źmicier Bartosik, aŭtar słavutaha «Čarnobylskaha šlachu» Kastuś Hieraščanka, białynicki bluzmen Jury Nieściarenka, Lavon Tyškievič z Maładečna, a taksama debiutant Uładź Krumin, lider haradzienskaha hurtu «Zdań». Žanočuju bardaŭskuju pieśniu baronić adna Tania Biełanohaja. Na dysku — muzyka ščyrych pačućciaŭ, biez nadukučlivaha ŭžo ściobu. I temy bardy ŭzdymajuć nadzvyčaj surjoznyja, što bačna choć by z nazvaŭ kampazycyjaŭ «Čorny maj», «Kurapaty», «U horadzie čužych nazvaŭ». Krychu ironiju možna ŭłavić chiba ŭ Bartosika ŭ pierapiajanym «Voronie» Akudžavy. Niešta paśla filmu «Misteryja arhanizmu» jana surjozna zusim nie ŭsprymajecca. Bartosik, darečy, pierapieŭ na biełaruski manier i Nikicina. I ŭsio ŭ pierakładzie Baradulina. Cikavy prajekt, ź jakoha možna atrymać ujaŭleńnie pra stan sučasnaj aŭtarskaj pieśni.
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary