Forvard Lijanel Mesi padpisaŭ novy kantrakt z «Barsiełonaj». Pra heta paviedamlajecca na sajcie kłuba.
Pahadnieńnie raźličana da 2021 hoda. U novaj damovie prapisanyja 700 miljonaŭ jeŭra adstupnych za forvarda. Takim čynam, da momantu zakančeńnia kantraktu Mesi praviadzie 17 hadoŭ u składzie «Barsiełony».
U kastryčniku źjaviłasia infarmacyja, što forvard atrymaje rekordnyja 105,3 miljona dalaraŭ u jakaści bonusa za padpisańnie novaha kantraktu. Jaho zarobak składzie 658,4 tysiačy dalaraŭ u tydzień.
Papiaredniaje pahadnieńnie arhiencinca z kłubam dziejničała da červienia 2018 hoda. Padčas pieramovaŭ ab jaho padaŭžeńni paviedamlałasia, što Mesi maje namier pakinuć sinie-hranatavych.
Mesi vystupaje za «Barsiełonu» z 2004 hoda. Razam z kamandaj jon vosiem razoŭ stanaviŭsia čempijonam Ispanii, čatyry razy — pieramožcam Lihi čempijonaŭ. Jon piać razoŭ atrymlivaŭ «Załaty miač».
Kamientary