Raskamnahlad atrymaje prava na vyvučeńnie rodnasnych suviaziaŭ uładalnikaŭ rasiejskich ŚMI. Blizki svajak-inšaziemiec — heta prykmieta mahčymaha ŭskosnaha kantrolu ŚMI zamiežnymi siłami, ličyć Ministerstva suviazi Rasii.
Ministerstva prapanuje dać Raskamnahladu dostup da fiederalnaj dziaržaŭnaj infarmacyjnaj sistemy «Adziny rejestr zapisaŭ hramadzianskaha stanu». Zakanadaŭcy ličać, što hetaje viedamstva pavinna adsočvać vykanańnie zakona «Ab ŚMI», udakładniaje ministerstva ŭ tłumačalnaj zapiscy da zakonaprajekta.
Sa studzienia 2016 hoda zamiežnym hramadzianam u Rasii zabaroniena naŭprost ci ŭskosna kantralavać zasnavalnika luboha rasijskaha ŚMI (dola zamiežnaha kapitału ŭ kampanii-zasnavalnika ŚMI z taho času abmiežavanaja 20%).
Pry hetym, źviartaje ŭvahu Minsuviazi, zhodna z padpunktam 11 punkta 2 artykuła 105.1 Padatkovaha kodeksa, «farmalnym kryteram kantrolu i kiravańnia moža źjaŭlacca najaŭnaść rodnasnych adnosin pamiž fizičnaj asobaj i jaje mužam (žonkaj), baćkami, dziećmi, bratami i siostrami».
U kampanii-zasnavalnika rasijskaha ŚMI taksama nie moža być hiendyrektara z zamiežnym abo padvojnym hramadzianstvam. Pakolki jon, źjaŭlajučysia adnaasobnym vykanaŭčym orhanam, kantraluje kampaniju. Źmieny ŭ zakanadaŭstva płanujecca ŭvieści z 1 studzienia 2018 hoda.
-
Na Zachadzie nie zaŭvažyli razrekłamavanych vyprabavańniaŭ rasijskaha «Sarmata». U MZS Rasii raskazali, nakolki jany da hetaha abyjakavyja
-
U Kanhresie ZŠA staviać pad sumnieŭ novaje finansavańnie Ukrainy i čakajuć dziejańniaŭ ad Jeŭropy
-
Dokazaŭ hienacydu ŭ Hazie vyjaŭlena nie było — hałoŭny prakuror Mižnarodnaha kryminalnaha suda
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary