Kapitan žanočaj nacyjanalnaj kamandy Biełarusi Eduard Dubroŭ u intervju karespandentu «Priessboła» Siarhieju Viarsockamu patłumačyŭ, čamu nie staŭ vyklikać Viktoryju Azaranka na matčy finału Kubka fiederacyi suprać amierykanak, jakija 11—12 listapada projduć na «Čyžoŭka-Arenie».
— A što z Azaranka?
— Nu hladzicie… Navat kali Vika ŭ apošni momant źjavicca ŭ Minsku, ja nie mahu trymać u kamandzie piać čałaviek, zajaŭka składajecca z čatyroch. U jakim stanie jana vyrviecca, kali vyrviecca, z ZŠA ŭ Biełaruś? Vy sabie ŭjaŭlajecie hety stan pry tych abstavinach, u jakich jana apynułasia ŭ Łos-Andželesie? Viadoma, chaj pryjazdžaje, chaj pabudzie razam z kamandaj, jak heta było ŭ hulni sa Šviejcarkaj, chaj dapamahaje dziaŭčatam maralna, ale pastavić na matč…
Ja nie maju ŭjaŭleńnia ab uzroŭni jaje hatoŭnaści, Vika nie hulała ź lipienia, bačna, što jana straciła ŭ vazie, pryčym, miarkujučy pa ŭsim, nie za košt tłuščavaj tkanki, a za košt myšačnaj masy. Nu jak ja jaje mahu vypuścić na kort u finale Kubka fiederacyi choć by na adzin matč?
Tut niama paproku na jaje adras, jana trapiła ŭ najskładaniejšuju žyćciovuju situacyju, jakoj nikomu nie pažadaješ. Maładaja mama, maleńkaje dzicia, usie hetyja sudy pa pytańniach apiakunstva… Bolš za fizičnyja kandycyi mianie turbuje jaje maralna-psichałahičny stan. I ŭ takim stanoviščy, liču, Viku nie treba čapać i ŭskładać na jaje niejkija abaviazacielstvy. Kali ŭsio składziecca dobra, i Azaranka vierniecca ŭ tenis, viadoma, jana jašče dapamoža zbornaj Biełarusi. A pakul dziaŭčatam treba pastaracca zhulać finał bieź jaje, — skazaŭ Dubroŭ.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary